Britaniya taxtining merosxo‘ri Uels gersogi, shahzoda Charlz va uning rafiqasi Kornuoll gersoginyasi Kamilla koronavirus infeksiyasiga qarshi emlandi. Bu haqda 10-fevral, chorshanba kuni Sky News xabar berdi.
Juftlik qayerda va qachon emlanganligi haqida ma’lumot berilmagan.
Bundan avval, 9-yanvar kuni Buyuk Britaniya qirolichasi Yelizaveta II va uning eri, Edinburg gersogi Filipp COVID-19 vaksinasi bilan emlangani ma’lum qilingandi.
Mamlakatda vaksinatsiya qirollikda 8-dekabr kuni Pfizer/BioNTech vaksinasidan foydalanish ma’qullangandan so‘ng boshlangan. Shu bilan birga, Buyuk Britaniya hukumati mamlakatda Moderna kompaniyasining koronavirus infeksiyasiga qarshi vaksinasidan foydalanishni ham ma’qullagan.
Fevral oyining o‘rtalariga qadar Buyuk Britaniya hukumati koronavirus katta xavf soladigan, taxminan, 15 million kishini emlashni niyat qilmoqda. Hozircha qirollikda faqat 65 yoshdan oshgan odamlar, tibbiyot va ijtimoiy soha xodimlari, shuningdek, sog‘lig‘i o‘ta yomon odamlar emlanmoqda. May oyining boshiga qadar mamlakatning 50 yoshdan oshgan barcha aholisi emlanadi deb taxmin qilinmoqda.
Bundan avval Turkiya prezidenti, Indoneziya prezidenti, Qirolicha Yelizaveta II va uning eri Filipp, Slovakiya va Gretsiya prezidentlari , Jo Bayden, Isroil bosh vaziri hamda AQSh sobiq vitse-prezidenti Maykl Pens koronavirusga qarshi emlangan edi.
Izoh (0)