Janubiy Koreya Oziq-ovqat va dori-darmon xavfsizligi vazirligi AstraZeneca kompaniyasining vaksinasini ma’qulladi. Bu haqda “RBK” xabar berdi.
AstraZeneca 2021-yil 4-yanvar kuni Koreyada vaksinasini ro‘yxatdan o‘tkazish uchun ariza topshirdi va regulyatorga boshqa mamlakatlardagi, jumladan, Buyuk Britaniya va Braziliyadagi klinik sinovlar natijalarini taqdim etdi. Vaksinadan foydalanish uchun 18 yoshdan oshgan fuqarolarga ruxsat beriladi.
Shuningdek, AstraZeneca kompaniyasi SC Bioscience Korea bilan vaksina ishlab chiqarish yuzasidan ham shartnoma tuzdi.
Yevropa Komissiyasi 29-yanvar kuni Yevropa tibbiyot agentligining ijobiy qaroridan keyin AstraZeneca vaksinasini ittifoq mamlakatlarida qo‘llashni ma’qulladi. Shu bilan birga, Germaniyaning Robert Kox instituti mutaxassislari dorining samaradorligi to‘g‘risida ma’lumotlar yetarli bo‘lmagani sababli 65 yoshdan oshganlarga qo‘llashni tavsiya qilmadi.
Koronavirusga qarshi kurashish milliy shtabi ma’lumotlariga ko‘ra, 10-fevralgacha mamlakatda 81 930 ta virusga chalinish holati ro‘yxatga olingan. O‘tgan bir kun davomida esa 444 tani tashkil qildi. 8218 kishi karantinda saqlanyapti, 72 226 kishi virusdan sog‘aydi. Virusning 31 foizi mamlakat poytaxtida ro‘yxatga olingan.
Izoh (0)