Bugun,

  • USD 11095.31
  • RUB 173.84
  • EUR 10772.44

O‘zbekistonda gipofizar mittilik kasalligiga chalinganlar (liliputlar) va gavda tuzilishida mutanosiblik buzilgan pakanalar, erkaklar ish staji kamida 20 yil va ayollar ish staji kamida 15 yil bo‘lgan taqdirda umumiy pensiyaga chiqish yoshini 15 yilga qisqartirgan holda imtiyozli ravishda pensiya olish huquqiga ega.

Foto: “Daryo”

Foto: “Daryo”

Bu haqda “Fuqarolarning davlat pensiya ta’minoti to‘g‘risida”gi qonunning 13-moddasida belgilab qo‘yilgan. Unga ko‘ra, bunday kasallikka chalingan erkaklar 42 yoshdan, ayollar 25 yoshdan pensiya olish huquqiga ega.

Pensiya jamg‘armasining ma’lum qilishicha, bugungi kunda mittilik kasaliga chalingan 42 nafar fuqaroga (shundan: erkaklar 17 nafar, ayollar 25 nafar) umumiy belgilangan pensiya yoshidan 15 yil oldin imtiyozli pensiya tayinlanib to‘lanmoqda.

Bunday fuqarolar soni Toshkent shahrida 9 nafar, Buxoro viloyatida 7 nafar, Namangan va Farg‘ona viloyati 5 nafar, Andijon viloyatida 4 nafar, Samarqand va Xorazm viloyatida 3 nafar, Surxondaryo va Toshkent viloyatida 2 nafar hamda bir nafardan Jizzax va Sirdaryo viloyatlarida tashkil etadi.

Qonunning 7-modasida, umumiy asoslarda yoshga doir pensiya olish huquqiga erkaklar 60 yoshga to‘lganda ish staji kamida 25 yil va ayollar 55 yoshga to‘lganda ish staji kamida 20 yil bo‘lgan taqdirda ega bo‘lishi nazarda tutilgan.

Moliya vazirligi huzuridagi budjetdan tashqari Pensiya jamg‘armasining hududiy tuman (shahar) bo‘limlarida hisobga olingan pensiya va nafaqa oluvchilarning umumiy soni 2021-yil yanvar oyida 3 million 824 ming kishini, ya’ni aholi sonidagi ulushi 11,2 foizni tashkil qildi. Ushbu ko‘rsatkich 2020-yil 1-yanvar holatiga nisbatan 147,2 ming nafar yoki 4 foizga ko‘paygan.

Izoh
Asosiy yangiliklar
Dunyo
“Gulja qirg‘ini” — uyg‘urlarni o‘ldirishni boshlagan Xitoy, chechenlarni ommaviy o‘ldirgan rus OMONi va vodorod bombasini botqoqqa tashlagan AQSH samolyoti. Kun xr...
Mahalliy
Toshkent viloyatida avtokran qulashi oqibatida mashinist vafot etgani yuzasidan jinoyat ishi qo‘zg‘atildi
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...