Bugun,

  • USD 11095.31
  • RUB 173.84
  • EUR 10772.44

Nukus City qurilishida 246 million so‘mdan ortiq budjet mablag‘lari o‘zlashtirish yo‘li bilan talon-toroj qilingani aniqlandi. Bu haqda Qoraqalpog‘iston Respublikasi prokuraturasi matbuot xizmati ma’lum qildi.

Foto: O‘zA

Foto: O‘zA

“Suv ta’minoti va oqova suv obyektlari qurilishi bo‘yicha injiniring kompaniyasi” DUK Qoraqalpog‘iston hududiy boshqarmasi hamda “Granit Montaj Stroy” MChJ o‘rtasida 2020-yilning 18-sentabrida 3,5 milliard so‘mlik shartnoma tuzilgan. Ushbu mablag‘lar Nukus shahri, A.Shamuratova ko‘chasi avtomobil yo‘lining asfalt qoplamasini qayta tiklash va Nukus City markazidagi ko‘p qavatli uylarning suv va kanalizatsiya tarmoqlarini ta’mirlash ishlarini amalga oshirishga sarflanishi lozim bo‘lgan.

Shartnomaga asosan “Granit Montaj Stroy” 236,5 million so‘mga asfalt qoplamasini tiklashi, 9,6 million so‘mga suv tarmoqlarini ta’mirlashi kerak bo‘lgan. Ammo bu ishlar to‘liq bajarilmasdan, bajarilganligi haqida hisob-fakturalarga soxta ma’lumotlar va yozuvlar kiritilib, jami 246,1 million so‘m mablag‘ talon-toroj qilingan.

Holat yuzasdan “Suv ta’minoti va oqova suv obyektlari qurilishi bo‘yicha injiniring kompaniyasi” DUK Qoraqalpog‘iston Respublikasi hududiy boshqarmasi hamda “Granit Montaj Stroy” mansabdor shaxslarga nisbatan Jinoyat kodeksining 167-moddasi 3-qismi “a” bandi (o‘zlashtirish yoki rastrata yo‘li bilan juda ko‘p miqdorda talon-toroj qilish) va 209-moddasi (mansab soxtakorligi) 1-qismi bilan jinoyat ishi qo‘zg‘atilgan.

Hozirda mazkur jinoyat ishining dastlabki tergov harakatlari Nukus shahar prokuraturasi tomonidan olib borilmoqda.

Eslatib o‘tamiz, Prezidentning 2018-yil 2-avgustdagi “Respublika hududlarida Business City zamonaviy ishbilarmonlik markazlarini tashkil etish chora-tadbirlari to‘g‘risida”gi qarori bilan Nukus shahri markazida Nukus City shaharchasi quriladi.

Qurilish ishlari 2019-yilning dekabrida boshlandi. Mutaxassislarning ta’kidlashicha, dastlabki yili 2 ta 7 qavatli va 2 ta 16 qavatli uy-joy qurilishi rejalashtirilgan. Kelajakda ular qatoridan bir qancha ko‘p qavatli turar joylar va villalar, zamonaviy savdo majmualari, mehmonxonalar, ofislar va boshqa ijtimoiy soha obyektlari o‘rin oladi.

Izoh
Asosiy yangiliklar
Mahalliy
“Chegara masalasining yakuniy hal etilishi Markaziy Osiyo mintaqasida barqarorlik va xavfsizlikni mustahkamlashga xizmat qiladi” —  Sadir Japarov 
Dunyo
“Bizga hayvonlardan yomonroq munosabatda bo‘lishadi” — Afg‘onistonlik qiz “Tolibon”ning cheklovlari haqida (video)