Bugun,

  • USD 11095.31
  • RUB 173.84
  • EUR 10772.44

Sirdaryo viloyati Mirzaobod tumanida ichki ishlar xodimi kiyimini kiyib raqs tushgan yigit va uni videotasvirga olgan voyaga yetmagan bola qo‘lga olindi, deya xabar bermoqda “Zamon.uz”.

Kadr: Videodan skrinshot

Kadr: Videodan skrinshot

Mirzaobod tumanining “Bog‘iston” mahallasida joylashgan avtomobillarni yuvish shoxobchasida ishchi bo‘lib ishlab kelgan 1995-yilda tug‘ilgan Hasan Do‘stov ichki ishlar xodimlarining xizmat kiyimini kiyib jamoat joyida yurish-turish va odob axloq qoidasini buzgan xolda tanishi, voyaga yetmagan Diyorbek bilan nojo‘ya xatti-harakatlarni tasvirga olib, uni ijtimoiy tarmoqlarga tarqatib yuborgan.

Ushbu fuqarolarning shaxsi aniqlandi. Holat yuzasidan Hasan Do‘stovga Ma’muriy javobgarlik to‘g‘risidagi kodeksining 183-moddasi (mayda bezorilik) hamda 209-1-moddasi (xizmat kiyimini ruxsatsiz belgilanmagan tartibda kiyish) bilan ayblov e’lon qilindi.

Jinoyat ishlari bo‘yicha Mirzaobod tumani sudida o‘tgan ochiq sud majlisida yigitlarning xatti-harakatiga qonuniy baho berildi. Sud hukmiga ko‘ra Hasan Do‘stov Ma’muriy javobgarlik to‘g‘risidagi kodeksning tegishli moddalarida nazarda tutilgan huquqbuzarliklarni sodir etgan deb topilib, ushbu kodeksning 34-moddasiga asosan unga 8 sutka ma’muriy qamoq jazosi tayinlandi.

Uning sherigi Diyorbekning ishi Mirzaobod tumani hokimligi huzuridagi voyaga yetmaganlar bilan ishlash komissiyasida ko‘rib chiqiladigan bo‘ldi.

“Layk yig‘ish edi maqsadimiz, qilgan ishimdan pushaymonman”, – deydi Diyorbek sud majlisida.

Avvalroq Shahrisabzda YPX xodimi odam urib yuborgani haqidagi xabar asossiz ekani aytilib, voqea ishtirokchilari hibsga olingani, Qashqadaryoda YPX xodimiga qarshilik ko‘rsatib, voqea joyidan ketib qolgan Cobalt haydovchisi 8 sutkaga qamalgani hamda Toshkentda pichoqbozlikni sahnalashtirib, piar qilmoqchi bo‘lgan yigitlar 5 sutkaga ozodlikdan mahrum qilingani haqida xabar berilgandi.

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg
Mahalliy
Oʻzbekistonning yanvar oyidagi budjet daromadi ochiqlandi