Farg‘ona viloyatining Uchko‘prik tumanida ayoldan sobiq eri foydasiga tovon puli va uy-joyning teng yarmi undirildi. Bu haqda MIB markaziy apparati matbuot xizmatiga tayanib, “Xabar.uz” ma’lum qildi.
Qayd etilishicha, sobiq erning da’vo arizasi fuqarolik ishlari bo‘yicha Qo‘qon tumanlararo sudida qanoatlantirilib, sobiq xotinidan uy-joyning teng yarmi, 7 249 329 so‘m kompensatsiya, 3 778 516 so‘m sud xarajatlari va 16 110 so‘m pochta xarajati undirilishi belgilangan.
Ijro hujjati MIBning tuman bo‘limiga kelib tushgach, ayol bularning barchasini hech qanday qarshiliksiz bajargan.
Avvalroq Buxoroda 3 nafar farzandiga aliment to‘lamagan ayolga 5 sutka qamoq jazosi tayinlangani, Samarqandda aliment to‘lamagani uchun 5 marta sudlangan ayolga yana jinoyat ishi qo‘zg‘atilgani haqida xabar berilgan edi.
Izoh (0)