Futbol bo‘yicha Italiya A Seriyasining 21-turida “Inter” 5-fevral, juma kuni “Fiorentina” maydoniga safar qildi.
Uchrashuvning 31-daqiqasida Nikolo Barella milanliklarning dastlabki golini urgan bo‘lsa, ikkinchi bo‘lim debyutida Ivan Perishich yakuniy hisobni o‘rnatdi — 0:2.
Mazkur g‘alabadan keyin Antonio Konte jamoasi ochkolarini 47 taga yetkazib, birinchi o‘ringa ko‘tarildi. “Fiorentina” (22) esa 11-pog‘onada qoldi.
“Inter” keyingi turda “Latsio”ni qabul qiladi, florensiyaliklar esa “Sampdoriya” maydonida mehmon bo‘ladi.
A Seriya
21-tur bahsi
5-fevral, juma
“Fiorentina” — “Inter” 0:2
Gollar: 0:1 – 31 Barella, 0:2 – 52 Perishich.“Fiorentina”: Drongovski, Venuti (Malkyui, 73), Martines, Petsselya, Igor Julio, Biragi (Barreka, 82), Bonaventura, Amrabat, Esserik (Pulgar, 74), Vlaxovich (Kokorin, 74), Valero (Kuame, 46).
“Inter”: Handanovich, Shkrinyar, de Vrey, Bastoni, Hakimi, Barella, Brozovich, Vidal (Galyardini, 46), Perishich (Darmian, 80), Lukaku (Pinamonti, 89), Sanches (Martines, 62).
Ogohlantirishlar: Perishich (42), Amrabat (60), Martines (75), Pulgar (81).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)