Bugun,

  • USD 11095.31
  • RUB 173.84
  • EUR 10772.44

Prezident farmoni bilan 2017–2021-yillarda O‘zbekistonni rivojlantirishning beshta ustuvor yo‘nalishi bo‘yicha Harakatlar strategiyasini “Yoshlarni qo‘llab-quvvatlash va aholi salomatligini mustahkamlash yili”da amalga oshirishga oid davlat dasturi tasdiqlandi. Bu haqda Adliya vazirligi xabar bermoqda.

Foto: “Daryo”

Foto: “Daryo”

Farmonga muvofiq, 2021-yil 1-apreldan:

  • “El-yurt umidi” jamg‘armasi orqali xorijga magistratura va doktoranturaga yuboriladiganlar 5 barobarga oshiriladi;
  • jamg‘arma hisobidan xorijda bakalavriat bo‘yicha o‘qitish joriy etilib, 2021-yilda xorijga 100 ta talaba yuboriladi.
Qolaversa, farmoniga ko‘ra fizika va chet tillari bo‘yicha ta’lim sifatini oshirish bo‘yicha dasturlar ishlab chiqiladi.

Bundan tashqari, 2021-yil 1-iyuldan o‘rta tibbiyot mutaxassislariga “hamshiralik ishi” bilan mustaqil shug‘ullanishga ruxsat beriladi.

Shuningdek, 2021-yil yakunigacha mehribonlik uylarining uy-joyga muhtoj 900 ta chin yetim bitiruvchilari uy-joy bilan ta’minlanadi.

Shu bilan birga, 2021-yilda 22 ta bog‘cha binolari, 31 ta yangi maktab, 16 ta OTM binolari, 24 ta sog‘liqni saqlash obyektlari hamda 23 ta sport obyektlari quriladi.

Davlat budjetidan 100 milliard so‘m ajratiladigan Bolalarni qo‘llab-quvvatlash fondi tashkil etiladi.

Avvalroq “El-yurt umidi” jamg‘armasi 2021-yildan boshlab 100 nafar yigit-qizning chet elga bakalavrga yuborishi hamda Shavkat Mirziyoyev 2021-yilda fizika va chet tillarini o‘rganishni ustuvor yo‘nalish etib belgilashni taklif qilgani haqida xabar berilgandi.

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg
Mahalliy
Oʻzbekistonning yanvar oyidagi budjet daromadi ochiqlandi