“Manchester Siti” Angliya Premyer Ligasining 22-turida “Byornli”ni 2:0 hisobida mag‘lubiyatga uchratdi.
Opta Sports’ning yozishicha, “shaharliklar” uchun ushbu g‘alaba barcha musobaqalardagi ketma-ket 13-g‘alaba bo‘lgan. Shu tariqa Manchester klubi APL klublari orasida 2002-yildan beri bunday natijaga erishgan ilk jamoaga aylandi.
O‘shanda (2002-yilda) “Arsenal” mart oyidan to avgustgacha bo‘lgan muddatda qatorasiga 13 o‘yinda g‘alaba qozongandi.
Pep Gvardiola shogirdlari 23-turda “Liverpul” maydoniga safar qiladi. Uchrashuv 7-fevral, yakshanba kuni bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)