Seyshel orollari O‘zbekiston fuqarolariga vaksina olmasdan tashrif buyurishga ruxsat berdi, deb xabar bermoqda Spot.
Mamlakat koronavirusga qarshi emlangan istalgan davlat fuqarolari uchun ochiq. Buning uchun ular COVID-19’ga qarshi vaksinaning (aynan qaysiligiga aniqlik kiritilmagan) ikki dozasini olganini tasdiqlovchi setifikatni, shuningdek, uchib ketishdan oldin uzog‘i bilan 72 soat ichida olingan salbiy natijali PZR-testini taqdim etishlari lozim.
O‘zbekiston va yana 41 ta davlat fuqarolariga esa salbiy natijali PZR-testini taqdim etishning o‘zi kifoya.
Xabarda aytilishicha, ushbu tartib mart oyining o‘rtalaridan boshlab kuchga kiradi.
Dunyoning eng yaxshi plyajlari joylashgan Seyshel orollariga 30 kungacha tashrif buyurmoqchi bo‘lgan O‘zbekiston fuqarolariga viza talab etilmaydi.
Izoh (0)