Qirg‘iziston sobiq prezidenti So‘ronboy Jeenbekov rafiqasi bilan birga Umra safariga jo‘nab ketdi. Bu haqda sobiq prezidentning matbuot kotibiga tayanib Kloop xabar bermoqda.

Foto: “24.kg”

Jeenbekov 2-fevral kuni ertalab kichik Haj (Umra) safari uchun rafiqasi bilan “Manas” xalqaro aeroportidan Istanbulga uchib ketgan, u yerdan esa Saudiya Arabistonining Jidda shahriga parvoz qilgan.

Kichik Haj 10 kundan ortiq davom etadi, shundan keyin Jeenbekov Bishkekka qaytib keladi.

Matbuot kotibi qayd etishicha, Jeenbekov bu sayohatni 2020-yil noyabridan buyon rejalashtirgan. U Umra safarini Saudiya Arabistoni Qirolining taklifi bilan amalga oshirmoqda.

Eslatib o‘tamiz, Qirg‘iziston prezidenti So‘ronbay Jeenbekov mamlakatdagi norozilik va siyosoy inqiroz sharoitida 2020-yilning oktabr oyida iste’foga chiqqan. Uning o‘rnini Sadir Japarov egallagan.