Mashhurlik uchun to‘lov: reabilitatsiya markazida davolanishga majbur bo‘lgan Gollivud yulduzlari (foto)

Quyidagi qahramonlar turli sabablarga ko‘ra reabilitatsiyada davolangan. Ba’zilari uchun mashhurlikning bahosi juda yuqori, boshqalari esa o‘z muammolarini sog‘liq uchun eng zararli tarzda hal qilishga harakat qilgan. Ammo ularning barchasi odatiy hayotni qayta tiklash istagini bildiradi va har qanday qaramlikdan qutulishni xohlaydi.

Ben Afflek

2001-yilda Afflek birinchi marotaba reabilitatsiya markaziga borgan, u yerda spirtli ichimliklarga qaramlikdan qutulishga harakat qilgan. Oradan 16 yil o‘tib vaziyat qayta takrorlangan. Rafiqasi Jennifer Garner bilan ajrim, martaba borasidagi muvaffaqiyatsizliklardan so‘ng Ben yana ushbu markazga borgan. Terapiya kursini tamomlagach, Afflek nihoyat yangi hayot boshlashga tayyor ekanligini tan olgan.

Deniel Redkliff

Garri Potter roli bilan mashhurlikka erishgan aktyor karyerasining boshidayoq spirtli ichimliklarga ruju qo‘yganligi tufayli jiddiy muammolarga duch kelgan. Dunyo bo‘ylab shuhrat qozongan aktyor ichkillikka berilib, ichki bosim kuchayishi tufayli paydo bo‘ladigan og‘riqni yengillashtirgan. Ammo vaqtida u karyerasiga zarar yetkazayotganini anglab yetgan. Shuningdek, uning hamkasblari kadrda mast holda namoyon bo‘lganini ham payqagan. Bunday noxush holatdan so‘ng reabilitatsiya markaziga borgan va hozirda u umuman spirtli ichimlik ichmaydi.

Demi Mur

Eshton Katcher bilan muvaffaqiyatsiz nikohdan keyin Gollivud aktrisasi reabilitatsiya markazida bo‘lgan. U yerda mutaxassislar uni dori-darmonga qaramlikdan xalos bo‘lishga yordam bergan. Stress holatini bostirishga harakat qilgan aktrisa o‘zini yo‘qotib qo‘yganini tushungan, avvalambor, sobiq turmush o‘rtog‘i Bryus Uills tarbiyalayotgan qizlari uchun yangi hayot boshlashga qaror qilgan.

Demi Lovato

Qo‘shiqchi 28 yoshiga to‘lmasidanoq ko‘plab qiyinchiliklarni yengishga muvaffaq bo‘lgan. U ichkilik, giyohvandlik, bipolyar buzuqlik bilan kurashgan va 2018-yilda esa me’yorni oshirib yuborish natijasida o‘lishiga bir baxya qolgan. Uning muxlislari Demini endi avvalgi holatda bo‘lmasligi ta’kidlagach, u reabilitatsiya markaziga borishga qaror qilgan. Salomatligini tiklagan qo‘shiqchi tez orada sahnaga qaytib, “Gremmi 2020” taqdirlash marosimida ishtirok etdi.

Jerard Batler 

“300 spartalik” filmida suratga tushish jarayonida Jerard tinimsiz mashg‘ulotlardan charchagan va keyin unga yordam beradigan og‘riq qoldiruvchi vositalarni qabul qilishga odatlanib qolgan. Shuning uchun ham 2012-yilda reabilitatsiyaga borishga majbur bo‘lgan. U yerda dorilarga tobelikdan davolanishga muvaffaq bo‘lgan. Oradan o‘tgan 9 yil mobaynida Jerard unga yangi hayot boshlashida yordam bergan shifokorlarga minnatdorlik bildiradi.