Och qoringa nima yeyish mumkin emas?

Kun davomida uzoq vaqt ovqatlanmaganda, kechqurun yoki kun bo‘yi ishga berilish sabab ochlik hissini qondirish uchun iloji boricha tezroq va ko‘proq ovqatlanishni xohlaydi odam. Ammo birdaniga katta miqdorda ovqatlanish hazm jarayoni uchun katta stress hisoblanadi. Shu bois ham nima yeyish mumkin yoki yo‘qligi haqida ma’lumotga ega bo‘lish kerak. Kunning qanday o‘tishi nonushtaga bog‘liq bo‘lgani sabab ham bu vaqtda nima iste’mol qilish muhim sanaladi. Siz tanovul qilgan mahsulot, salomatlik, faollik, ish samaradorligi, kayfiyat va vazn qanday bo‘lishida rol o‘ynaydi.

Qaysi mahsulotlarni yemaslik kerak?

Nonushtaga shirinlik, qandolat mahsulotlari iste’mol qilmaslik kerak. Ko‘pincha bu kabi mahsulotlar tarkibida qondagi qand miqdorini keskin oshirib, sun’iy to‘qlik hissini uyg‘otadigan un, yog‘ va shakar ko‘p bo‘ladi. Shirinlik yegandan keyin qorin tez ochadi, insulin miqdori oshishiga ta’sir qilgani natijasida yog‘ to‘planadi.

Bundan tashqari, tarkibidagi ayrim moddalar ayniqsa, glyuten sabab, kishi bu kabi mahsulotlarni yemasa turolmaydigan bo‘lib qoladi. Shu sabab ham ushbu mahsulotlardan tiyilish tavsiya qilinadi. Qanchalik foydali ekaniga qaramay, suli yormasidan tayyorlanadigan bo‘tqani ham haddan ortiq iste’mol qilib bo‘lmaydi. Chunki qayta ishlangan bo‘tqalarda aksariyat hollarda glikemik ko‘rsatkichi yuqori bo‘ladi, uning iste’moli insulin ishlab chiqarilishini jadallashtiradi. Ammo bu bo‘tqadan, umuman, voz kechish kerakligini bildirmaydi. Shunchaki oz me’yorda iste’mol qilib unga mevalar qo‘shib yeyishning o‘zi kifoya. Shuningdek butun yormali variantini tanlash hamda uni 6-8 soatga ivitib qo‘yib, keyin pishirish tavsiya qilinadi.

Shuningdek, nahorga shakarning koni bo‘lgan sharbatlarni iste’mol qilish ham tavsiya qilinmaydi. Mazkur ichimlik shirinlik bilan nonushta qilish bilan barobar ta’sir qiladi. Shakarning ko‘p miqdordagi ekanligi sabab sharbat ichgandan keyin organizmda insulin ko‘p miqdorda ajralib chiqadi hamda yog‘ to‘planishi kuzatiladi. Shu sabab ham sharbat o‘rniga sabzavotli smuzi iste’mol qilish kerak.

Qanday mahsulotlarni iste’mol qilsa bo‘ladi?

Nonushtadan yarim soat avval, uyqudan turganda keyin iliq suv ichish kerak. Suvga limon, oshqozon kislotasi yuqori bo‘lgan kishilar esa magniy qo‘shib ichishi mumkin. Ichaklar mikroflorasini me’yorlashtirish uchun esa metabiotiklar qo‘shsa bo‘ladi. Qolaversa, nonushtaning tarkibida oqsil mo‘l bo‘lgan mahsulotlar: yog‘siz go‘sht, pishloq va tabiiy yogurt, tvorog bo‘lishi kerak.

Metabolizm yaxshilanishida muhim rol o‘ynaydigan oqsillar, qorinni tushlikka qadar to‘q tutadi. Uning organizmga to‘g‘ri singishi uchun sabzavotli garnir bilan iste’mol qilgan yaxshi. Masalan, barra sabzavotlar qo‘shib tayyorlangan omlet kunni boshlash uchun eng yaxshi variant hisoblanadi.

Shuningdek, grechka, zig‘ir urug‘i va jigarrang un ham foydali, shuningdek, to‘yimli mahsulotlar sirasiga kiradi. Ushbu murakkab uglevodlar sekin singgani hisobiga insulinga salbiy ta’sir qilmaydi va energiya beradi. Nomi keltirilgan yormalarni suvda pishirib, sabzavotli garnir yoki o‘simlik suti bilan iste’mol qilish tavsiya qilinadi.