Lil Uzi Vert nomi bilan tanilgan amerikalik reper Saymir Vuds o‘zining Twitter’dagi sahifasida peshonasiga qiymati 24 million dollarlik pushti olmosni joylashtirmoqchi ekanligini ma’lum qildi, deb yozadi Esquire.
10 karat bo‘lgan noyob pushti toshning og‘irligi taxminan 2 grammga to‘g‘ri keladi. Reperning so‘zlariga ko‘ra, u birinchi marta olmosni 2017-yilda ko‘rgan va shundan buyon uni sotib olish uchun pul yig‘gan. Shuningdek, u olmos barcha mol-mulklaridan, jumladan, uy va Bugatti avtomobilidan ham qimmatroq ekanini qo‘shimcha qilgan.
Ma’lum bo‘lishicha, operatsiyani taniqli shaxslar bilan tez-tez ishlaydigan zargar Elliot Elliante amalga oshiradi. Lil Uzi Vert Money Longer taronasidan so‘ng mashhurlikka erishgan va ikki albomini chiqargan.