Dunyoning eng kelishgan 5 futbolchisi (foto)

Chiroy, go‘zallik va ko‘rkamlik juda nisbiy tushuncha bo‘lib, uni hamma har xil ko‘radi. Biroq ba’zi jihatlarda ko‘pchilikning fikri va tanlovlari inobatga olingan holda ma’lum bir to‘xtamga kelinadi. Misol uchun, bu holatni dunyoning eng go‘zal ayoli yoki eng ko‘rkam erkagini tanlashda ko‘rish mumkin. Va bunday tanlovlarda odatda aktyor hamda aktrisalar yuqori o‘rinlarda qayd etiladi. Biroq yana shunday soha vakillari ham borki, ular mashhurlik borasida istalgan Gollivud yoki Bollivud aktyorlari bilan bellasha oladi. Ha, bu futbolchilar bo‘lib, bugungi kunda ularning aksariyati o‘yinlarga xuddi uchrashuvga chiqayotgandek tayyorgarlik ko‘radi. Sezib ulgurganingizdek, quyida dunyoning ayni paytdagi eng ko‘rkam (yaxshi tashqi ko‘rinishga ega) futbolchilari haqida fikr yuritiladi.

Devid Bekhem (Angliya)

Yoshi: 45

Bo‘yi: 185 sm, vazni: 78 kg

Pozitsiyasi: yarim himoyachi

Ha, Devid faoliyatini yakunlaganiga ancha yil bo‘ldi. Bir necha yil oldin Viktoriya ismli ayolga uylangan Bekhem hamon zamonaviy va kelishgan futbolchilar ro‘yxatida yuqori o‘rinlarni egallab keladi. Ehtimol, “Real” va “Manchester Yunayted” sobiq futbolchisi xuddi yaxshi sharob singari yillar o‘tgani sayin faqat yaxshilanib boradi.

Krishtianu Ronaldu (Portugaliya)

Yoshi: 35

Bo‘yi: 187 sm, vazni: 85 kg

Pozitsiyasi: hujumchi

Krishtianu qiyshiq tishlar va terida muammosi bor bolakaydan dunyo futbolining asosiy yulduzi va dunyoning eng mashhur odamiga aylandi.

Bugungi kunda Ronaldu eng mashhur sport brendlarining kiyimlarini, shuningdek, yetakchi kosmetik kompaniyalarning mahsulotlarini muntazam ravishda reklama qiladi.

Biroq bir vaqtlar unda futbol o‘ynash istagi, kuchli qat’iyat va iste’doddan tashqari hech narsa bo‘lmagan, na pul, na jozibadorlik va na mashhurlik. U o‘zida bor narsaning hammasiga mehnati orqali erishgan.

Neymar (Braziliya)

Yoshi: 28 yosh

Bo‘yi: 174 sm, vazni: 68 kg

Pozitsiyasi: hujumchi

Braziliyalik taniqli va kelishgan Neymar bugungi kunda oxirgi yillardagi omadsizliklariga qaramay, dunyoning eng yaxshi futbolchilaridan biri hisoblanadi. Bundan tashqari, u o‘zining tashqi ko‘rinishi va maydon tashqarisidagi “sho‘xlik”lari bilan ham yaxshigina tanilgan. Shunday ekan, u ayni paytda har tomonlama eng yaxshilar qatoridan joy olgan.

Xerard Pike (Ispaniya)

Yoshi: 33

Bo‘yi: 192 sm, vazni: 85 kg

Pozitsiyasi: himoyachi

“Barselona” himoyachisi Xerard Pike ham juda yaxshi tashqi parametrlarga ega, qo‘shiqchi Shakiraning aynan uni o‘ziga turmush o‘rtoq sifatida tanlagani ham bunga yaqqol misol bo‘la oladi. Maydonda sovuqqonlik harakat qiladigan va yaxshi texnik xususiyatlarga ega bo‘lgan Pikening ko‘zlari qarama-qarshi jins vakillarini o‘ziga jalb etib kelgan. Bundan tashqari, uning baland bo‘yli ekani ham Xerardga qo‘shimcha ko‘rkamlik bag‘ishlab turadi.

Paulo Dibala (Argentina)

Yoshi: 27

Bo‘yi: 177 sm, vazni: 79 kg

Pozitsiyasi: hujumchi

O‘z vaqtida Lionel Messining vorisi va Argentina terma jamoasining kelajagi sifatida qayd etilgan Dibala hozircha “Yuventus” bilan faqatgina Italiyadagi yutuqlari bilan cheklanmoqda. Ammo bu uning tashqi ko‘rinishidan foydalangan holda muntazam reklamalarda suratga tushishiga va yana-da mashhurlik orttirishiga xalaqit qilmayapti. Bugungi kunda Dibala shubhasiz, Turin klubining Krishtianu Ronaldudan keyingi asosiy yulduzi hisoblanadi. U qaysidir ma’noda portugaliyalikning soyasida qolib ketayotgani ham rost, biroq jamoa g‘alabalarida uning hissasi ham beqiyosdir. Asosiysi, uni Turinda qadrlashadi, futbolchi uchun esa muhimi shu.