Uyg‘onish davri rassomi − florensiyalik Sandro Bottichelli tomonidan “Medalyonli yigit” surati Sotheby’s kimoshdi savdosida 92,2 million dollarga sotildi, deb yozadi Meduza.
Xaridorning shaxsi oshkor qilinmagan. Portret taxminan 1480-yilda chizilgan. Unda kim tasvirlangani ham noma’lum. Ma’lumotlarga ko‘ra, bu Florensiyaning qudratli Medichi oilasi vakili, deb taxmin qilinadi. XVIII asrdan buyon surat Buyuk Britaniyaning Nyuboro baronlari oilasida saqlanib kelinayotgan edi. 1982-yilda uni kimoshdi savdosida 1,3 million dollar evaziga avvalgi egasi – amerikalik tadbirkor Sheldon Solou sotib olgan.
#AuctionUpdate: Sandro Botticelli’s masterpiece Young Man Holding a Roundel, one of the most significant portraits of any period ever to appear at auction, and a defining work of the Florentine Renaissance achieves $92.2 million -- a new auction record for the artist pic.twitter.com/lqsdOC1gtX
— Sotheby's (@Sothebys) January 28, 2021
92,2 million dollar – Bottichelli asarlari uchun kimoshdi savdosida sotilgan rekord narx hisoblanadi. Avvalgi rekord 2013-yilda, uning “Madonna va bola Yahyo” surati 10,4 million dollarga sotilganida o‘rnatilgan edi.
Izoh (0)