“Qalb”: Hayotni sevishga undovchi o‘lim haqidagi multfilmni nima uchun tomosha qilish kerak? (video)

“Hayot – bu rejalar tuzayotganingizda siz bilan sodir bo‘layotgan voqealardir”, — degan Jon Lennon. Va u mutlaqo haq edi.

“Qalb” multfilmining bosh qahramoni – jazz ijrochisi sifatida o‘zining yorqin karyerasiga ega bo‘lish yagona maqsadiga aylangan Nyu-Yorkdan kelgan musiqa o‘qituvchisi Jo Gardnerdir. Tasodifan unda ajoyib imkoniyat paydo bo‘ladi — eng taniqli saksafonchi bilan bitta sahnada ijro qilish. Afsuski, aynan o‘sha kuni hech kutilmagan hodisa ro‘y beradi, u o‘sha yerda vafot etadi. Biroq bu voqealarning boshlanishi xolos, eng qiziq hodisalar keyin davom etadi.

Qahramon yashashga bo‘lgan istagi bilan o‘limga qarshi kurashishga, ruhini o‘z tanasiga qaytarishga urinishi samimiy hamdardlikni keltirib chiqaradi. Hayot uchun kurash tasvirlangan o‘lim haqidagi “Qalb” multfilmi “Yuqoriga” va “Jumboq” animatsion filmlari uchun “Oskar” mukofotiga sazovor bo‘lgan Pixar studiyasi direktori rejissor Pit Dokter va uning hamkasbi Kemp Pauers tomonidan yaratilgan.

Shu bilan birga, rejissorlar yer yuzi va narigi dunyoni tasvirlashda ramziy ma’noga alohida e’tibor qaratgan. Kuzgi Nyu-York – gavjum shahar, rang-barang ko‘chalar, turli xil mashinalarga to‘la yo‘llar, har qanday manzarasi haqiqatan ham hayotga to‘g‘ri keladi. “Narigi dunyo” esa butunlay boshqacha: hammasi sodda, u yerdagi belgilar ham o‘zgacha, xuddi kompyuter o‘yiniga o‘xshab ishlangan. Shuningdek, oxirat dunyosida Trent Reznor va Attikus Rossning musiqasi yangraydi, Nyu-York esa Jonatan Batistaning kompozitsiyalari bilan nafas oladi. Bu esa multfilmni ko‘rish uchun yana bir istakni paydo qiladi.

Hayotning mazmuni va “Qalb” haqidagi savollar sehrli ravishda barcha oddiylikni yo‘qotadi. Kartina mualliflari bu orqali hayotdan ma’no o‘tkinchi “kasb”ni egallash emas, balki yashamoqlikdir, demoqchi bo‘lgan. Shuningdek, tomoshabinlarni befarq qoldirmaydigan yana uchta multfilm ham insonlarda xuddi shunday taassurot qoldiradi.

“Jumboq”

Ushbu multfilm aslida ota-onasi bilan yangi uyga ko‘chib o‘tadigan va yangi maktabga boradigan qiz Rayli haqida emas, balki uning ongida ro‘y berayotgan voqealar haqida. Rejissor Pit Dokter insoniyatning hissiyotlar dunyosiga ko‘proq e’tibor qaratadi. Rejissorlar Raylining ichidagi hissiyotlarini shakllantirish uchun animatsiyadan foydalangan. Ma’lumki, hayotda quvonch, qayg‘u, nafrat, g‘azab va qo‘rquv mavjud. Asosiy belgilar orasidan quvonch va qayg‘u Raylining ongidan yo‘qotiladi. Keyin esa ularsiz hayot to‘liq bo‘lmaydi. Bir nechta faylasuflar va psixologlarning avlodlarini tashvishga soladigan murakkab masalalar bolalar uchun mo‘ljallangan filmda namoyon bo‘lishi esa har qanday tomoshabinning qiziqishini yanada orttiradi.

“Koko siri”

Pixar studiyasining yana bir ajoyib musiqiy multfilmi – meksikalik bolaning narigi dunyoga sayohati haqida. Avvaliga bu oddiy ko‘rinadi, ammo o‘ziga ishonch, orzularga ergashish va muvaffaqiyatga erishish hammasidan ham muhim. Lekin multfilmdagi xabar kutilmagan natija bilan, hayratlanarli darajada chuqurroq va muhimroq bo‘lib chiqadi. Ushbu kartina muvaffaqiyatga intilish tuzoq bo‘lishi mumkinligi, inson o‘zi uchun qadrli ekani, vaqti kelganda o‘limni qabul qilish va bo‘ysunmas xotira kuchi haqida hikoya qiladi.

“Tepaga”

Pit Dokterning navbatdagi ajoyib multfilmlaridan biri. Bolalar uchun mo‘ljallangan animatsiyada kattalarga tegishli keksalik, yolg‘izlik va o‘lim mavzusi ko‘tarilgan. Karl Fredriksen – yo‘lg‘iz keksa, u sarguzashtlarni yaxshi ko‘radi. Uyi bilan sayohat qilish uchun pufaklar to‘plamini unga bog‘laydi. Va bu sayohat o‘ylaganidan ham ko‘ra ko‘proq hayajonli bo‘lib chiqadi.