Xalqaro press-klubning navbatdagi sessiyasida Senat raisining birinchi o‘rinbosari Sodiq Safoyev AQShda Jo Baydenning hokimiyatga kelishi O‘zbekiston va Amerika munosabatlariga qanday ta’sir ko‘rsatishi hamda AQSh bilan hamkorlikning qanday davom etishi to‘g‘risidagi savolga javob qaytardi.
Hech qachon avval O‘zbekistonning barcha yo‘nalishlarda, g‘arb-u sharq, shimol-u janub bo‘yicha munosabatlari bugunchalik bo‘lmagan. Shu jumladan, AQSh bilan ham bugun bizning munosabatlarimiz, muloqotimiz mo‘tadil rivojlanib bormoqda.Eslatib o‘tamiz, Jo Bayden 20-yanvar kuni AQSh prezidenti sifatida qasamyod qildi. U AQShning 46-prezidenti bo‘ldi va inauguratsiya marosimida qasamyod qabul qilganidan so‘ng rasman ish boshladi. 77 yoshli Bayden ushbu lavozimni egallagan tarixdagi eng keksa shaxsga aylandi.Shuni aytish kerakki, oxirgi 4 yil mobaynida O‘zbekiston—Amerika hamkorligi hamma yo‘nalishlarda strategik sherikchilik darajasiga ko‘tarildi. Bu o‘z ifodasini, avvalambor, O‘zbekiston Prezidentining 2018-yil may oyida Vashingtonga amalga oshirgan tashrifi va Oq uyda bo‘lgan uchrashuvlari bilan asoslanadi. Mana shu asos yaratdi. Bugungi kunga kelib ham siyosiy, ham xavfsizlik yo‘nalishida, ham iqtisodiy hamkorlik bo‘yicha O‘zbekistonda AQSh bilan munosabatlar kengayib bormoqda va u O‘zbekistonning manfaatlariga mos keladi.
Biz o‘ylaymizki, ikkala mamlakat o‘rtasidagi munosabatlar ikkala davlatning, ikkala xalqning milliy manfaatlaridan kelib chiqadi. Shuning uchun AQShning yangi ma’muriyatidan kelib chiqqan holda mana shu belgilangan tendensiyani, ya’ni O‘zbekiston va Amerika muloqotining kengayishini qo‘llab-quvvatlaydi. Bu bizni qandaydir bashoratimiz emas, balki AQSh vakillari bilan bo‘lib o‘tgan muloqotlarimizdan kelib chiqqan holda ta’kidlanishimiz mumkinki, albatta, ikki tomonlama munosabatlarimiz yanada rivojlanadi. Bir misol keltirmoqchiman, avvalgi ma’muriyat bilan O‘zbekiston va Amerikaning DFC tashkiloti, ya’ni rivojlanish-moliyalashtirish korporatsiyasi qo‘shma investitsion fond yaratib, bu yerda mintaqaviy loyihalarni amalga oshirishi ko‘zda tutilgan edi. Mamnuniyat bilan shuni aytishimiz mumkinki, yangi ma’muriyat ham shuni davom ettiradi.
O‘ylaymizki, AQShda Markaziy Osiyoni va Markaziy Osiyoda O‘zbekistonning ahamiyatini yaxshi tushunishadi va umid qilamizki, kelgan ma’muriyat ham O‘zbekiston va Markaziy Osiyo mamlakatlari bilan har tomonlama muloqotlarni rivojlantiradi. Turli darajadagi muloqot davom etadi.
Sodiq Safoyev, Senat raisining birinchi o‘rinbosari
Mavzuga doir:
Izoh (0)