Samarqand viloyatining Paxtachi tumanida Spark va Nexia-3 to‘qnashuvida yo‘l chetida turgan ayol jabrlandi. Bu haqda YHXBB matbuot xizmati xabar berdi.
Ma’lum qilinishicha, voqea 20-yanvar kuni soat 11:05 larda tumanning Amir Temur ko‘chasida yuz bergan.
1993-yilda tug‘ilgan F.S. Spark’da harakatlanayotib yo‘l harakati qoidalariga amal qilmasdan, chap tomonga burilayotgan vaqtida bir yo‘nalishda ortida harakatlanib kelgan, 1994-yilda tug‘ilgan haydovchi O.X. boshqaruvidagi Nexia-3 bilan to‘qnashgan.
Zarb oqibatida Spark yo‘l chetida turgan ayolni urib yuborgan. Oqibatda 1964-yilda tug‘ilgan piyoda D.S. tan jarohati olib, shifoxonaga yotqizilgan. Samarqand viloyati IIB matbuot xizmatining ma’lum qilishicha, ayni paytda piyodaning ahvoli yaxshi.
Ushbu YTH yuzasidan to‘plangan hujjatlar Jinoyat ishlari bo‘yicha Paxtachi tumani sudiga yuborilgan.
Avvalroq Samarqandda 4 ta avtomobil ishtirokida YTH sodir bo‘lgani, Toshkentda ham 4 ta avtomobil to‘qnashib, buning oqibatida 5 kishi jabrlangani, masofa saqlamaslik oqibatida 5 ta avtomobil to‘qnashgani haqida xabar berilgan edi.
Izoh (0)