Estoniya tarixida birinchi marta yangi hukumatni ayol kishi boshqaradi. Ma’lum qilinishicha, Islohotlar partiyasining rahbari Kaya Kallas bosh vazir bo‘ldi. Yangi Vazirlar mahkamasining 14 vaziridan oltitasi ayollardir, deb yozadi ERR.
Yangi Vazirlar mahkamasi allaqachon qasamyod qabul qilib, ish boshladi.
Kallas 26-yanvar kuni bo‘lib o‘tadigan birinchi yig‘ilishida koronavirus infeksiyasining tarqalishini muhokama qilmoqchi.
Oldingi hukumat 2019-yil apreldan 2020-yil yanvargacha ishlagan. Sobiq bosh vazir Yuriy Ratas korrupsiya mojarosidan so‘ng iste’foga chiqqandi. Uning partiyasining muhim a’zosi siyosiy imtiyozlar evaziga partiya uchun xayriya olganlikda gumon qilingan.
Avvalroq AQSh Milliy razvedkasi direktori lavozimini birinchi marta ayol kishi egallagani hamda Nensi Pelosi to‘rtinchi bor AQSh vakillar palatasini boshqaradigan bo‘lgani haqida xabar berilgandi.
Izoh (0)