Ekvador milliy sudi mamlakat sobiq vitse-prezidenti Xorxe Glasga korrupsiya to‘g‘risidagi moddaga muvofiq sakkiz yillik qamoq jazosini tayinladi. Bu haqda Istoé xabar qilgan.
Jinoyat ishi neft mahsulotlarini ishlab chiqarishdagi qallobliklarga oid ekanligi bildirilgan. Glas bilan birgalikda pullarni talon-toroj qilishda ikki nafar vazir — Vilson Pastor hamda Karlos Rareyya Yanutsselli ham sakkiz yilga qamaldi.
Korrupsion sxemaga aloqador yana to‘rt nafar kishi ham sakkiz yilni qamoqda o‘tkazadi, olti nafar gumonlanuvchi mazkur ishga aloqador emas, deb topilgan va oqlangan.
Glasga nisbatan uchinchi bor aylov hukmi o‘qildi. 2017-yilda prezident Lenin Moreno uni lavozimidan chetlatganidan keyin qurilish firmalari bilan birgalikdagi korrupsiyaga oid ishga aloqador deb topilib, olti yilga qamalgandi.
Mavzuga doir: Ekvador ichki ishlar vaziri hukumatga qarshi namoyishlarda politsiya zo‘ravonligiga yo‘l qo‘ygani uchun iste’foga chiqarildi
Izoh (0)