Prezident Qosim-Jo‘mart To‘qayev koronavirus statistikasini yashirgan viloyatlar haqida so‘zladi, deb xabar berdi Tengrinews nashri.
“Pandemiya paytida tibbiy statistika ma’lumotlarining ishonchliligi masalasi keskin ko‘tarildi. Bu to‘g‘ridan to‘g‘ri bemorlarning taqdiriga bog‘liq”, – dedi To‘qayev hukumatning kengaytirilgan yig‘ilishida.
Prezidentning ta’kidlashicha, barcha hududlar va yosh guruhlari sharoitida kasallanishning haqiqiy surati bo‘yicha statistik jihatdan ishonchli o‘rganishni tashkil etish dolzarb masala hisoblanadi.
“U bir oy ichida o‘tkazilishi va vaqti-vaqti bilan yangilanib turishi kerak. Bu, ayniqsa, maktab o‘quvchilari uchun ta’lim rejimini belgilashda, korxonalar va fuqarolar uchun karantin cheklovlarini joriy qilishda juda muhimdir”, – dedi prezident.
Avvalroq Qosim-Jo‘mart To‘qayev Qozog‘iston hududini “Rossiyaning sovg‘asi” deb atagan Davlat dumasi deputatiga javob qaytargani, Qozog‘iston o‘z fuqarolarini 1-fevraldan “Sputnik V” vaksinasi bilan emlashni boshlagani hamda Qozog‘iston o‘lim jazosidan rasman voz kechgani haqida xabar berilgandi.
Izoh (0)