Respublika maxsus komissiyasi qaroriga ko‘ra, O‘zbekistonda 28-yanvardan konsert-tomosha tadbirlarini tashkil etishga ruxsat berildi.
Qayd etilishicha, so‘nggi kundlarda kelib tushgan ko‘plab madaniyat soha vakillarining murojaatlarini inobatga olgan holda, shuningdek, aholi madaniy xordiq chiqarishlari uchun qulay sharoit yaratish maqsadida konsert-tomosha tadbirlarini 2021-yilning 28-yanvaridan boshlab sanitariya-epidemiologik talablarga qat’iy rioya etgan holda tashkil etishga ruxsat berildi.
Respublika maxsus komissiyasining qarori bilan konsert va tomosha tadbirlarini o‘tkazish bo‘yicha quyidagi talablar belgilandi:
- konsert saroylarining tomoshabin sig‘imini inobatga olgan holda tomoshabinlar sonini 50 foizdan oshirmagan holda tashkil etish;
- konsert saroylarining tomoshabin o‘rindiqlaridan oraliq masofani saqlagan holda foydalanilishini ta’minlash va bu borada oraliq masofani saqlash uchun talab etiladigan o‘rindiqlarni konservatsiya qilish;
- konsert saroylariga tashrif buyuruvchi tomoshabin hamda xizmat ko‘rsatuvchi xodimlar qat’iy niqobda bo‘lish.
Respublika maxsus komissiyasi xalqimizdan koronavirus infeksiyasini tarqalishini oldini olish maqsadida sanitariya-epidemiologik qoidalarga qat‘i rioya etishlari hamda mamlakatimizda epidemiologik barqarorlikni ta‘minlash borasida erishilgan bugungi vaziyatni bardavom bo‘lishi uchun shaxsiy mas‘uliyatni oshirishlarini so‘rab qoladi”, — deyiladi bayonotda.
Eslatib o‘tamiz, 2020-yil 15-martdan boshlab respublika hududida o‘tkazilishi rejalashtirilgan barcha turdagi ommaviy bayram tadbirlari, xalqaro tadbirlar va sport musobaqalari, teatr, kino va konsert dasturlari vaqtincha to‘xtatilgandi.
23-martdan boshlab to‘y-marosimlarning o‘tkazilishi ham bekor qilingan edi. Respublika maxsus komissiyasining 30-maydagi qarori bilan 30 kishidan oshmagan hamda sanitariya va gigiyena talablariga qat’iy rioya etgan hold oilaviy tantana, to‘y, ma’raka va marosimlarni o‘tkazishga ruxsat berildi.
Izoh (0)