O‘zbekiston Prezidenti Shavkat Mirziyoyev 14-yanvar kuni “Shaxsga doir ma’lumotlar to‘g‘risida”gi qonunga qo‘shimchalar kiritish to‘g‘risidagi qonunni imzoladi.
Hujjat 27-1 modda — “O‘zbekiston Respublikasi fuqarosining shaxsiy ma’lumotlarini qayta ishlashning alohida shartlari” bilan to‘ldirilgan.
O‘zgartirishlarga ko‘ra:
- O‘zbekiston fuqarolarining shaxsiy ma’lumotlari jismoniy jihatdan O‘zbekiston hududida joylashgan va Davlat reyestrida ro‘yxatdan o‘tgan texnik vositalar yordamida qayta ishlanishi kerak;
- ma’lumotlarni lokalizatsiya qilish talabi axborot texnologiyalari, shu jumladan, internet orqali ma’lumotlarni qayta ishlashga taalluqli;
- ma’lumotlarni lokalizatsiya qilish, yig‘ish, tizimlashtirish va saqlash talabi mulkdorda yoki operatorning zimmasida hisoblanadi.
“Shaxsga doir ma’lumotlar to‘g‘risida”gi qonun ikki yil oldin — 2019-yilning yanvarida qabul qilingan va o‘sha yilning 1-oktabridan kuchga kirgan.
Shaxsiy ma’lumotlar ma’lum bir shaxsga tegishli bo‘lgan, uni aniqlashga imkon beradigan elektron, qog‘oz va (yoki) boshqa moddiy vositada yozilgan ma’lumotlarni anglatadi.
Izoh (0)