Buxorodagi 23 ta piyodalar o‘tish yo‘lagi oldiga videokuzatuv kameralari o‘rnatildi

Buxoro shahridagi markaziy va avtotransport vositalari ko‘p harakatlanadigan ko‘chalarda joylashgan piyodalar o‘tish yo‘laklari oldiga YTHlarning oldini olish maqsadida maxsus videokuzatuv kameralari o‘rnatildi. Bu haqda IIV YHXBB axborot xizmati xabar berdi.

Ta’kidlanishicha, bu kabi kameralar shahardagi 23 ta piyodalar yo‘lakchasi oldiga o‘rnatilgan.

“Ushbu videokuzatuv kameralari haydovchilar tomonidan amaldagi yo‘l harakati qoidalari buzilishini ham bir vaqtda qayd etib boradi”, — deydi Buxoro shahar IIO FMB YHXB boshlig‘i Ravshan Musayev.

Avvalroq Toshkent ko‘chalarida paydo bo‘lgan ko‘chma kameralar bo‘yicha izoh berilgani, O‘zbekistonda tadbirkorlarga yo‘llarga kamera va radarlar o‘rnatish huquqi berilishi hamda Farg‘onada yo‘l harakati qoidabuzarliklarini qayd etuvchi kameralar ishga tushgani haqida xabar berilgandi.