Futbol bo‘yicha Ispaniya La Ligasining 20-turida “Real” 23-yanvar, shanba kuni “Alaves” maydonida mehmon bo‘ldi.
Uchrashuvning birinchi bo‘limi to‘liq madridliklarning ustunligida kechdi va mehmonlar tanaffusga qadar uchta to‘p kiritishga erishdi. 15-daqiqada Kazemiro burchakdan uzatilgan to‘pni boshi bilan darvozaga joylab qo‘ydi. 41-daqiqada Karim Benzema Eden Azarning zargarona uzatmasidan keyin ikkinchi golni urdi. Birinchi bo‘limga qo‘shib berilgan vaqtda Azar hisobni yirik ko‘rinishga olib keldi.
Ikkinchi bo‘limda “Alaves” faollikni biroz oshirdi. 59-daqiqada maydon egalari standart vaziyatdan unumli foydalanib, hisobni qisqartirdi. 70-daqiqada Benzema dubl qayd etgan holda yakuniy hisobni o‘rnatdi — 1:4.
Ushbu g‘alabadan keyin “Real” ochkolarini 40 taga yetkazib oldi va ikkita zaxira o‘yiniga ega peshqadam “Atletiko”dan to‘rt ochko ortda qolmoqda.
La Liga
20-tur bahslari
23-yanvar, shanba
“Alaves” — “Real Madrid” 1:4
Gollar: 0:1 – 15 Kazemiro, 0:2 – 41 Benzema, 0:3 – 45 Azar, 1:3 – 59 Xoselu, 1:4 – 70 Benzema.“Alaves”: Pacheko, Lejen, Laguardia, Ximo Navarro (Sayns, 46), Agirregabiria, Mendes, Battalya (Manu Garsiya, 46), Rioxa (Lukas Peres, 46), Pina (Pere Pons, 72), Duarte, Xoselu (Deyverson, 78).
“Real Madrid”: Kurtua, Militao, Varan, Mendi, Vaskes, Kazemiro, Modrich (Odriosola, 77), Asensio (Isko, 77), Kroos, Azar (Vinisius Junior, 63), Benzema.
Ogohlantirishlar: Ximo Navarro (10), Manu Garsiya (49), Militao (59), Laguardia (79), Sayns (85), Mendi (86), Benzema (87), Mendes (90).
“Ueska” — “Vilyarreal” 0:0
“Sevilya” — “Kadis” 3:0
Gollar: 1:0 – 35 an-Nesiri, 2:0 – 39 an-Nesiri, 3:0 – 62 an-Nesiri.“Real Sosyedad” — “Betis” 2:2
Gollar: 1:0 – 48 Isak, 2:0 – 57 Oyarsabal, 2:1 – 85 Kanales, 2:2 – 90+2 Xoakin.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)