Honor kompaniyasi V40 modelini taqdim etdi: Huawei’siz birinchi smartfon

Honor brendi AQSh sanksiyalari qo‘llanilmaydigan o‘zining V40 modelini taqdim etdi, deb xabar beradi Hi-Tech.Mail.ru.

2020-yil Huawei uchun qiyin keldi — u ko‘plab xorijiy sheriklaridan uzib qo‘yildi, shu sababli yangi smartfonlari Google servislarisiz chiqayotgan edi. Noyabrda kompaniya sanksiyalardan qochish uchun Honor sho‘ba brendini xitoylik investorlar guruhiga sotishga qaror qildi.

Oradan ikki oy o‘tgach, mustaqil kompaniya o‘zining birinchi smartfoni — Honor V40’ni taqdim etdi.

Honor V40 Huawei bilan birgalikda yaratilgan bo‘lishi mumkin, chunki undagi o‘zidan oldingi modellarga xos chizgilar ko‘zga yaqqol tashlanadi. Mazkur flagmanga chetlari egilgan 6,72 dyuymli displey, shishali qopqoqqa ega korpus va noodatiy joylashgan kameralar moduli o‘rnatilgan.

Displey uchun Full HD+ sifatni qo‘llab-quvvatlovchi 120 gerts yangilanish chastotasiga ega OLED-matritsadan foydalanilgan. Qurilma MediaTek Dimensity 1000+ protsessorida ishlaydi — aftidan, Kirin chiplaridan boshqa foydalanish mumkin emas. Orqa tomoniga asosiy moduli 50 megapikselga teng, 1/1,56 dyuymli sensorga ega to‘rtta kamera o‘rnatilgan.

Akkumulyator sig‘imi 4000 mA/soat bo‘lib, simli 66 vatt va simsiz 50 vattli tezkor quvvatlanishga ega.

Xitoyda Honor V40 (8/128 gigabayt) 3599 yuandan (555 dollar) sotuvga chiqadi.