22-yanvar kuni Samarqand va Qashqadaryoni bog‘lovchi Taxtaqoracha dovoni kuchli qor yog‘gani sabab yopilgani to‘g‘risida xabar berilgandi. IIV YHXBB axborot xizmatining ma’lum qilishicha, mazkur dovonda avtotransport vositalarining harakati tiklangan.
Ta’kidlanishicha, yo‘llarni qordan tozalash ishlari olib borilib, muzlamalarni eritish uchun qum-tuz aralashmalari sepilib zaruriy choralar ko‘rilgan. Ayni vaqtda dovon yo‘lida avtotransport vositalari harakatiga ruxsat berilib, qatnov davom etmoqda.
“Haydovchilardan ehtiyotkor bo‘lishlarini, ob-havo va yo‘l sharoitini inobatga olib transport vositasini boshqarishlarini so‘raymiz”, — deyiladi xabarda.
Eslatib o‘tamiz, O‘zbekistonning barcha viloyatlarida 22-yanvar kuni qor bo‘roni kuzatildi. YHXB va yo‘lga mas’ul xodimlar tomonidan yo‘lni qordan tozalash ishlariga maxsus texnikalar jalb etilgani to‘g‘risida xabar berildi.
Izoh (0)