Qozog‘istonda 22-yanvar holatiga ko‘ra yana 1548 kishida koronavirus aniqlandi. Bu haqda mamlakat koronavirusga qarshi kurashish tezkor shtabiga tayanib Tengrinews xabar berdi.
Foto: BBC
Ma’lumotlarga ko‘ra, mamlakatda hozirga qadar COVID-19 bilan kasallanganlarning umumiy soni 175 390 nafarga yetgan, ularning 158 647 nafari sog‘aygan, 2457 kishi vafot etgan. Shuningdek, 2020-yil 1-avgustdan buyon Qozog‘istonda 47 211 kishida pnevmoniya aniqlangan bo‘lib, ularning 549 nafari vafot etgan.
Koronavirusga chalinish bo‘yicha holatlar quyidagi hududlarda aniqlangan:
- Olmaota shahri — 21 010;
- Nur-Sulton shahri — 21 045;
- Atirau viloyati — 15 401;
- Qarag‘anda viloyati — 13 144;
- Sharqiy Qozog‘iston viloyati — 19 762;
- G‘arbiy Qozog‘iston viloyati — 10 220;
- Chimkent shahri — 5779;
- Olmaota viloyati — 8620;
- Jambil viloyati — 5224;
- Shimoliy Qozog‘iston — 9994;
- Pavlodar viloyati — 11 475;
- Kostanay viloyati — 9173;
- Aqmo‘la viloyati — 9063;
- Turkiston viloyati — 3970;
- Mang‘istov viloyati — 3949;
- Qizilo‘rda viloyati — 3519;
- Aqto‘be viloyati — 3879.
Mavzuga doir: Qozog‘iston o‘z fuqarolarini 1-fevraldan “Sputnik V” vaksinasi bilan emlashni boshlaydi
Qirg‘izistonda 22-yanvar kuni yana 93 kishida koronavirus aniqlanib, butun mamlakat bo‘ylab COVID-19’ga chalinganlar soni 82 986 kishiga yetgan. O‘tgan bir sutka ichida yana ikki bemor koronavirus qurboniga aylandi, deb xabar beradi Kloop.
O‘tgan bir sutka ichida koronavirusga chalinish bo‘yicha holatlar quyidagi hududlarda aniqlangan:
- Bishkek — 27;
- Chuy viloyati — 29;
- O‘sh viloyati — 4;
- Jalolobod viloyati — 5;
- Issiqko‘l viloyati — 21;
- Botken viloyati — 2;
- Norin viloyati — 1;
- Talas viloyati — 2.
Shuningdek, o‘tgan bir sutka ichida 108 kishiga kasalxonadan javob berilgan. Bugungi kunga qadar 83 796 kishi virusdan sog‘aygan. Qirg‘iziston Sog‘liqni saqlash vazirligi ma’lumotlariga ko‘ra, mamlakatda pandemiya boshlanganidan buyon 1398 kishi COVID-19 qurboniga aylangan.
Mavzuga doir:Qirg‘iziston saqlash sharoitlarini ta’minlay olmasligi sababli Pfizer vaksinasidan voz kechadi
Afg‘oniston Sog‘liqni saqlash vazirligining ma’lumotlariga ko‘ra, o‘tgan bir sutka ichida mamlakatda yana 76 kishida koronavirus aniqlangan, deb xabar beradi Tolo News.
Butun mamlakatda hozirga qadar koronavirus infeksiyasi bilan kasallanganlar soni 54 559 kishiga yetgan.
Bemorlarning 46 912 nafari sog‘aygan bo‘lsa, 2373 kishi virus asoratlari oqibatida vafot etgan.
Vazirlik ma’lumotlariga ko‘ra, bugungi kunga qadar davlat markazlarida 236 300 marta koronavirusga test olingan.
Mavzuga doir: Xitoyda koronavirusga chalinganlar soni ortmoqda
Tojikiston Sog‘liqni saqlash vazirligi esa koronavirus bilan kasallanganlar va sog‘ayganlar soniga bir hafta davomida hech qanday o‘zgartirish kiritmagan. Jon Hopkins universitetining Tojikistondagi vaziyat bo‘yicha ma’lumotlari o‘zgarishsiz qolgan — 13 308 kishi kasallangan, 90 kishi vafot etgan, 13 218 kishi sog‘aygan.
Mavzuga doir: Turkmaniston koronavirusga qarshi “Sputnik V”dan tashqari boshqa vaksinalarni ham ro‘yxatdan o‘tkazadi
O‘zbekistonda 23-yanvar soat 10:00 holatiga ko‘ra, koronavirus infeksiyasi qayd etilganlar soni 78 317 nafarni tashkil etmoqda. Bu haqda SSV matbuot xizmati xabar berdi.
Mamlakatda hozirga qadar 76 778 nafar koronavirus infeksiyasiga chalingan fuqarolar tuzalgan va sog‘ayish ko‘rsatkichi 98 foizni tashkil qilmoqda.
Hozirda O‘zbekistonda 918 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.
