Yengil vazn toifasida UFC chempionati Habib Nurmagomedov (29-0) UFC 257 musobaqasining asosiy voqeasi ishtirokchilari Konor Makgregor (22-4) va Dastin Porye (26-6) o‘rtasidagi jang haqidagi taxminlari bilan o‘rtoqlashdi.
“Jang avvalida ustunlik Makgregor tomonida bo‘ladi. Biroq uch yoki to‘rtinchi raundda Porye bu yigitni mag‘lub etishi mumkin”, — deydi rossiyalik yakkakurashchi.
Eslatib o‘tamiz, Habib avvalroq bu ikki jangchi bilan o‘zaro oktagonga ko‘tarilgan. 2018-yilning oktabrida Konorni to‘rtinchi raundda, 2019-yilning sentabrida esa Poryeni uchinchi raundda bo‘g‘ish usuli orqali taslim etgan.
Makgregor Toshkent vaqti bilan 24-yanvar tongida UFC 257 musobaqasining asosiy jangida Dastin Poryega qarshi oktagonga ko‘tariladi. Musobaqa Toshkent vaqti bilan 05:00 da boshlanadi. Asosiy kard janglari esa 08:00 da boshlanishi (avvalgi janglar qanday yakunlanishiga qarab o‘zgarishi mumkin) rejalashtirilgan.
Mavzuga doir:
Izoh (0)