Futbol bo‘yicha Angliya Kubogining 1/16 finalida “Arsenal” 23-yanvar, shanba kuni “Sauthempton” mehmoni bo‘ldi.
Uchrashuvning 24-daqiqasida londonliklar himoyachisi Gabriel Magalyaes o‘z darvozasini ishg‘ol qilib qo‘ydi. Bu gol o‘yinda yagonaligini saqlab qoldi.
Shu tariqa musobaqaning amaldagi chempioni “Arsenal” bu mavsum 4-bosqichdayoq o‘z yurishini to‘xtatdi.
Mikel Arteta jamoasi Angliya Kubogi 2019/20-yilgi mavsum finalida “Chelsi”ni mag‘lub etib (2:1), kubokka ega chiqqandi.
“Sauthempton” — “Arsenal” uchrashuvidagi gol videosini bi yerda ko‘rish mumkin — video.
Angliya Kubogi
1/16 final bahsi
“Sauthempton” — “Arsenal” 1:0
Gol: 1:0 – 24, avtogol Gabriel.“Sauthempton”: Forster, Bertran, Stivens, Bednarek, Uoker-Piters, Diallo, Armstrong, Uord-Prouz, Uolkott, Ingz (Long, 85), Adams (Nlundulu, 78).
“Arsenal”: Leno, Belyerin (Lyakazett, 72), Soaresh, Holding, Gabriel, Martinelli (Saka, 58), an-Nenni (Parti, 58), Villian, Jaka, Pepe, Nketia.
Ogohlantirishlar: Stivens (56), Bertran (83).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)