Navoiy viloyatining Zarafshon shahrida qo‘rqitish yo‘li bilan tamagirlik qilgan 34 yoshli ayolga jinoyat ishi qo‘zg‘atildi. Bu haqda IIV matbuot xizmati xabar berdi.
Ma’lum bo‘lishicha, 11-yanvar kuni 34 yoshli ayol A.M. g‘arazli niyatni ko‘zlab, 40 yoshli ayol R.A.ni cho‘milayotgan holatda videotasvirga tushirgan. So‘ng olingan videotasvirni uning ish joyi hamda mahallasiga olib borib ko‘rsatish va tarqatish yo‘li bilan qo‘rqitib, undan 3 million so‘m talab qilgan.
A.M. Zarafshon shahridagi “Mo‘jizalar maydonchasi” savdo majmuasi yonida R.A.dan 1 million 900 ming so‘m olayotganida IIB Jinoyat qidiruv bo‘limi tezkor xodimlari tomonidan xolislar ishtirokida ashyoviy dalillar bilan ushlangan.
Holat yuzasidan A.M.ga nisbatan Jinoyat kodeksining 165-moddasi 1-qismi (tovlamachilik) bilan jinoyat ishi qo‘zg‘atilgan. Hozirda surishtiruv ishlari davom etmoqda.
Mavzuga doir:
- Samarqandda xotin-qizlarni ularning uyatli va yalang‘och suratlarini tarqatib yuborish bilan qo‘rqitgan shaxslar qo‘lga olindi
- Toshkentda ayolning yarim yalang‘och holda raqsga tushgani aks etgan videoni internetda tarqatmaslik uchun 50 ming dollar talab qilgan erkak qo‘lga olindi
- Namanganda fuqaroning o‘zga bilan janjallashgani aks etgan videosini internetda tarqatmaslik evaziga undan 100 dollar talab qilgan shaxs ushlandi
Izoh (0)