Xorazmning ko‘plab hududlari, shu jumladan, viloyat ma’muriy markazi bo‘lgan Urganch elektr energiyasi ta’minotisiz qoldi. Bu haqda “Gazeta.uz” xabar qilmoqda.
Aholining nashrga ma’lum qilishicha, soat 23:00 da ham elektr ta’minoti tiklanmagan.
Xorazm hududiy elektr tarmoqlari korxonasi o‘zining Telegram kanalida uzilishlar ob-havoning og‘ir sharoitlari bilan bog‘liqligini xabar qildi. Eslatib o‘tamiz, viloyatning ko‘plab hududlarida 21-yanvar kuni qor yog‘di hamda kuchli shamol kuzatildi.
Elektr ta’minotini tiklash uchun korxonaning barcha xodimlari jalb qilingan, deyiladi xabarda. Kompaniya kanali qutqaruv guruhlari faoliyati haqida foto va videolarni nashr etmoqda.
Avvalroq O‘zbekistonda hafta oxirlariga borib havo keskin sovib, qor yog‘ishi haqida ma’lum qilingandi. Shu bilan birga, Toshkent IIBB poytaxtda kuchli shamol bo‘lishi kutilayotgani sababli aholini ogohlantirdi.
Izoh (0)