Argentina prezidenti “Sputnik V” vaksinasi bilan emlandi

Argentina prezidenti Alberto Fernandes koronavirusga qarshi “Sputnik V” vaksinasining birinchi dozasi bilan emlandi, deya xabar bermoqda “Interfaks”

Emlanayotgan prezidentning fotosuratlari Argentina nashrlarida chop etildi.

Hoy recibí la vacuna Sputnik V. Agradezco al instituto Gamaleya por su labor científica, a quienes trabajaron para que llegue a nosotros y a todo el personal de salud de nuestro país por su enorme compromiso.

Vacunarse sirve para ser inmunes frente al coronavirus. Hágamoslo. pic.twitter.com/Eb21kQy25A

— Alberto Fernández (@alferdez) January 21, 2021

Mahalliy ommaviy axborot vositalarining ma’lum qilishicha, bir kun oldin mamlakatda 60 yoshdan oshgan aholi uchun ushbu vaksina bilan emlash ma’qullangan.

“Prezident vaksinaning xavfsizligi va samaradorligini yana bir bor ta’kidlab, uning vazifasi iloji boricha tezroq argentinaliklarni vaksinatsiya qilish ekanligini ma’lum qildi”, – deb yozadi La Nacion nashri.

Shuningdek, Fernandes nafaqat mamlakatda “Sputnik V”, balki COVID-19’ga qarshi boshqa vaksinalardan ham foydalanishni ta’kidladi.

Dekabr oyida Argentinaga 300 ming doza “Sputnik V” vaksinasi yetkazib berilgan. 16-yanvar kuni mamlakatga 300 ming dozadan iborat vaksinaning ikkinchi partiyasi kelgan. Ta’minotning umumiy rejalashtirilgan hajmi 10 million dozani tashkil qiladi.

Eslatib o‘tamiz, Argentinada “Sputnik V” vaksinasi bilan aholini emlash 29-dekabrdan boshlangan edi. Bundan avval Turkiya prezidenti, Indoneziya prezidenti, Qirolicha Yelizaveta II va uning eri Filipp, Slovakiya va Gretsiya prezidentlari , Jo Bayden, Isroil bosh vaziri hamda AQSh sobiq vitse-prezidenti Maykl Pens koronavirusga qarshi emlangan edi.