Shavkat Mirziyoyev Jozef Baydenni AQSh prezidenti lavozimiga kirishgani bilan tabrikladi

Shavkat Mirziyoyev AQSh prezidenti Jozef Baydenga uning davlat rahbari lavozimiga kirishgani munosabati bilan tabrik yo‘lladi. Bu haqda Prezident matbuot xizmati xabar berdi.

Eslatib o‘tamiz, Jo Bayden 20-yanvar kuni AQSh prezidenti sifatida qasamyod qildi. U AQShning 46-prezidenti bo‘ldi va inauguratsiya marosimida qasamyod qabul qilganidan so‘ng rasman ish boshladi. 77 yoshli Bayden ushbu lavozimni egallagan tarixdagi eng keksa shaxsga aylandi.

Jo Bayden inauguratsiya marosimidan bir necha soat o‘tib o‘zidan oldingi prezident Donald Trampning bir nechta qarorlarini bekor qiluvchi qator hujjatlarni imzoladi.