Robert Levandovski Bundesliga rekordini yangiladi, Noyer esa afsonaviy Oliver Kanning natijasini takrorladi

“Bavariya” Bundesliga 17-turi doirasida 20-yanvar kuni “Augsburg” klubini 1:0 hisobida yengdi.

Uchrashuvdagi yagona gol myunxenliklar hujumchisi Robert Levandovski tomonidan urildi. Bu polshalik hujumchi uchun Bundesliga 2020/21-yilgi mavsumi 1-davrasida urilgan 22-gol bo‘ldi.

Levandovski Bundesliga 16-turida “Fraybur”ga qarshi bahsda 21-golini urib, Gerd Myuller tomonidan 1968/69-yilgi mavsumda qayd etilgan rekordini yangilagandi. Gap shundaki Myuller o‘shanda Bundesliga 1-davrasida 20 ta gol urgandi.

Shu tariqa Robert bu safar o‘ziga tegishli bo‘lgan rekordni yangiladi.

Ma’lumot uchun, Levandovski 2020/21-yilgi mavsum Bundesliga doirasida 16 ta o‘yinda qatnashib, 22 ta gol urdi va 5 ta golli uzatma berdi.

Levandovskining jamoadoshi Manuel Noyer esa Bundesligada 196-quruq o‘yinini o‘tkazib, afsonaviy Oliver Kanning rekordini takrorladi. Kan ham vaqtida Bundesliganing 196 ta o‘yinida o‘z darvozasidan to‘p olib chiqmagan edi.