Qamchiq dovonida 22-yanvar kuni qor yog‘ishi kutilayotgani sababli FVV haydovchilarga ogohlantirish bilan chiqdi.
Qayd etilishicha, Toshkent—O‘sh avtomobil yo‘lining Qamchiq dovoni qismida qor yog‘ishi, vaqti-vaqti bilan kuchayishi kutilmoqda.
Bundan tashqari, ko‘rinuvchanlik 50 metrgacha pasayishi, shamol tezligi sekundiga 17-22 metrgacha kuchayishi kutilmoqda. Yo‘lda qor uyumlari, yaxmalak hosil bo‘lishi mumkin.
Vazirlik ushbu yo‘nalish bo‘yicha harakatlanuvchi haydovchilarni ehtiyot choralarini ko‘rishga chaqirgan.
Avvalroq “O‘zgidromet” haftaning ikkinchi yarmidan shamol tezligi kuchayib, qor yog‘ishi, yo‘llarda yaxmalak hosil bo‘lishi mumkinligini ma’lum qilgandi.
Izoh (0)