Bugun,

  • USD 11095.31
  • RUB 173.84
  • EUR 10772.44

O‘zbekistonda kommunal tashkilotlar tomonidan 20 mingga yaqin qonunbuzarlik, jumladan, muddat buzilishi, rad etishning belgilangan tartibini buzishga yo‘l qo‘yilgani aniqlandi, deb xabar bermoqda DXA matbuot xizmati.

Foto: “Daryo”

Foto: “Daryo”

Agentlik 2020-yil davomida yuridik va jismoniy shaxslarning ichimlik va issiq suv tarmoqlariga ulanish, shuningdek, hisoblagichlarni qiyoslashdan o‘tkazishga oid xizmatlarni ko‘rsatish jarayonini monitoring qilgan. Qonun buzilishi holatlarining aksariyati Toshkent, Xorazm, Farg‘ona viloyatlari hamda Toshkent shahriga to‘g‘ri kelayotgani aniqlangan.

“Birinchidan, sohada murojaatlarni ko‘rib chiqish muddatlarini buzish holatlari tez-tez uchrab, bunga kommunal tashkilot xodimlarining murojaatlarga birlamchi vazifa sifatida qaramasligi, murojaatlarni o‘z muddatida bajarilishiga moddiy-texnik bazaning mustahkam emasligi hamda xodimlarning yetishmasligi sabab bo‘lib kelmoqda. Ikkinchidan, ayrim xodimlarning beparvoligi, mas’uliyatsizligi va sustkashligi natijasida fuqarolarning murojaatlariga o‘z vaqtida va belgilangan tartibda javob berilmagan”, — deyiladi agentlik xabarida.

Xususan, DXA monitoringi vaqtida quyidagi qonunbuzilishlar aniqlangan:

  • Fuqaro X.J.ning 2020-yil 8-yanvarda ichimlik suvi hisoblagichini qiyoslashdan o‘tkazish yuzasidan yuborgan arizasi “O‘zsuvta’minot” AJ tomonidan ko‘rib chiqish uchun salkam 10 oy kechikib qabul qilingan va ariza asossiz ravishda rad etilgan.
  • Fuqaro A.Sh.ning 2020-yil 29-sentabrda ichimlik suvi hisoblagichini qiyoslashdan o‘tkazish yuzasidan yuborgan arizasi bugungi kunga qadar ko‘rib chiqish uchun qabul qilinmagan.
  • Fuqaro O.T.ning 2020-yil 25-mayda issiq suv hisoblagichini qiyoslashdan o‘tkazish yuzasidan yuborgan arizasi “Toshissiqquvvati” DUK tomonidan 6 oyga yaqin muddatga kechiktirilib qabul qilingan va rad etilgan.
Davlat xizmatlarini ko‘rsatish tartibi hamda muddatlarini buzgan shaxslarga nisbatan ijro qilinishi majburiy bo‘lgan 31 ta taqdimnoma va 11 ta ogohnoma kiritilgan. Shu bilan birga, 67 nafar shaxsga nisbatan ma’muriy bayonnomalar tuzilgan. Natijada, aybdorlarning 67 nafari jarimaga tortilgan, yana 33 nafariga esa intizomiy jazo chorasi qo‘llanilgan.

“Eng achinarli holat shundaki, ayrim kommunal tashkilotlar yo‘l qo‘yilayotgan qonunbuzilishlar xalqning ushbu tizimga bo‘lgan ishonchi yo‘qolishiga sabab bo‘lishini haligacha tushunib yetishmayapti. Bu sohada vakolatli tashkilotlar yo‘l qo‘yilayotgan har qanday huquqbuzarlik uchun javobgarlik muqarrar ekanligini anglashlari kerak”, — deya ta’kidlangan agentlikda va mas’ul tashkilotlar qanday javobgarlikka tortilishini eslatib o‘tgan.

Ma’muriy javobgarlik to‘g‘risidagi kodeksning 215—5-moddasiga asosan davlat xizmatlarini ko‘rsatishga oid qonun hujjatlarini buzgan mansabdor shaxslar va xizmatchilar BHM (Bazaviy hisoblash miqdori)ning 3 baravaridan (20-yanvar holatiga ko‘ra 669 ming so‘mdan) 5 baravarigacha (1 million 115 ming so‘mgacha), xuddi shunday huquqbuzarlik bir yil davomida takrorlansa, BHMning 5 baravaridan 10 baravarigacha (1 million 115 ming so‘mdan 2 million 230 ming so‘mgacha) miqdorda jarimaga tortilishi mumkin.

Izoh
Asosiy yangiliklar
Mahalliy
Toshkentda zo‘ravonlikka qarshi kurash bo‘yicha xalqaro anjuman — suratlarda
Dunyo
Trampning sobiq maslahatchisi prezident saylovida qatnashishga tayyorligini bildirdi
Madaniyat
“Kuniga 1 000 dollar topganda talash bo‘lgan ota keksayganda hech kimga kerak bo‘lmay qoldi” — Bobomurod Hamdamovning kelini oiladagi kelishmovchiliklar haqida (vi...