Amaldagi AQSh prezidenti Donald Tramp mamlakatga kirishga qo‘yilgan cheklovlarni bekor qiluvchi farmonni imzoladi, bu cheklovlar COVID-19 koronavirusi tarqalishi tufayli joriy qilingan edi. Tegishli hujjatni Oq uy matbuot xizmati e’lon qildi, deb yozadi “RBK”.
Hujjatda aytilishicha, AQShga bir qator mamlakatlardan kirishni taqiqlash to‘g‘risidagi farmonlar 26-yanvar kuni amal qilishdan to‘xtaydi. “Shengen hududi, Buyuk Britaniya, Irlandiya va Braziliyadagi shaxslarning AQShga cheklovlarsiz kirishi endi AQSh manfaatlariga ziyon yetkazmaydi”, — deyiladi hujjatda.
Tramp farmonni AQShning saylangan prezidenti Jo Baydenning inauguratsiyasidan bir kun avval imzoladi. Demokratning vakili aytishicha, Bayden Trampning mamlakatga kirish uchun qo‘yilgan cheklovlarni bekor qilishiga yo‘l qo‘ymaydi.
Tramp AQSh prezidentligini 2021-yil 20-yanvar kuni tushda tark etadi. U o‘zining so‘nggi ish kunida yuzga yaqin kishini afv etishni ham rejalashtirgan.
Izoh (0)