Ijtimoiy tarmoqlarda Samarqand shahrining Kimyogarlar qo‘rg‘onida joylashgan ikkita obyektda tabiiy gazdan noqonuniy tarzda foydalanish holati haqida xabar berildi. Mazkur xabarga viloyat prokuraturasi rasmiy munosabat bildirdi.
Ta’kidlanishicha, Samarqand shahar prokuraturasi tomonidan tegishli mutaxassislar jalb qilingan holda Kimyogarlar qo‘rg‘onida joylashgan 115-sonli maktabgacha ta’lim tashkiloti va shu hududda joylashgan novvoyxona o‘rganilgan.
O‘rganishda, tabiiy gaz bosimi past bo‘lganligi sababli bosimni ko‘tarish va bino xonalarini isitish maqsadida 115-sonli MTTda o‘zboshimchalik bilan gaz so‘rg‘ich (nasos) o‘rnatilib, foydalanilayotganligi aniqlangan. Ushbu holat yuzasidan hujjatlar rasmiylashtirilib, gaz so‘rg‘ich asbobining tarmoqdan uzilishi ta’minlangan.
Shuningdek, Samarqand shahridagi “Shukrona” mahallasida joylashgan O.Orziyevga tegishli novvoyxona o‘rganilganda tabiiy gaz tarmog‘iga qonuniy ulanganligi hamda 2020-yilning 20-oktabridan buyon gaz bosimi past bo‘lganligi sababli faoliyat ko‘rsatmayotgani aniqlangan.
Izoh (0)