Donald Trampning shaxsiy advokati Rudi Juliani ABC News telekanaliga bergan intervyusida u impichment ishi bo‘yicha davlat rahbarini himoya qilish jamoasi tarkibida ekanligini ma’lum qildi, deb xabar bermoqda “RBK”. Ushbu jamoa Trampning prezidentlik saylovlarni qalbakilashtirish haqidagi da’volari isyonga da’vat emasligi haqida dalillar tayyorlamoqda.
“Ular [demokratlar]ning takidlashicha, [Tramp] saylov qalbakilashtirilganligi haqida gapirganda — men yoki boshqa biror kim — zo‘ravonlikka undaymiz; uning bu so‘zlari haqiqatdan mutlaqo yiroq bo‘lgani uchun jangovar so‘zlar hisoblanadi”, — degan Julian. — Agar biz buning haqiqat ekanligini yoki hech bo‘lmaganda qonuniy jihatdan haqiqatga yaqin ekanligini isbotlay olsak, u holda bu jangovar so‘z emas”.
Advokatning fikricha, agar Trampning himoyachilari saylovni qalbakilashtirilganligi haqidagi da’volarning hech bo‘lmaganda qisman haqiqat ekanligini isbotlay olsa, bu demokratlarni asosiy argumentdan mahrum qiladi.
Julianning aytishicha, Trampning ikkinchi impichmentiga qanday yondashishi kerakligi borasida har xil qarashlar mavjud. Advokat amaldagi prezident ishni ko‘rish vaqtida guvohlik berishini istisno qilmadi. “Agar ular ishni sudga oshirishga qaror qilsa, u holda impichmentni to‘liq noqonuniy deb rad etishi kerak. Bu qancha — ikki-mi uch kun ichida amalga oshirilgan yagona impichment”, — degan u.
Advokatning ta’kidlashicha, uning fikriga ko‘ra, sud qarori bir necha kun ichida har qanday masala bo‘yicha Kongress har kimga impichment e’lon qilishi mumkin bo‘lgan holatni yaratishi mumkin. Julian prezidentning chiqishi va tartibsizliklar o‘rtasida muayyan vaqt orqalig‘i borligi uchun ham Trampning so‘zlarini zo‘ravonlikka undash sifatida qabul qilmaslik kerakligini qo‘shimcha qilgan.
AQSh Vakillar palatasi 13-yanvar kuni Trampga impichment e’lon qilgandi. Uni hokimiyatdan chetlatish to‘g‘risidagi rezolyutsiya kongressmenlarning 232 nafari, shu jumladan 10 nafar respublikachi ham ovoz bergan. Yana 197 kishi Trampning chetlatilishiga qarshi chiqdi.
Ishni ko‘rib chiqish va prezident ustidan sud jarayoni davlat rahbari lavozimidan rasman iste’foga chiqqanidan keyin ham davom etishi mumkin (AQShning yangi prezidentining inauguratsiyasi 20-yanvarda bo‘lib o‘tadi). Bunday vaziyatda senatorlar unga kelajakda davlat lavozimlarida ishlashni taqiqlashi mumkin.
Bu AQSh tarixida birinchi marta prezidentga ikki marta impichment e’lon qilinishi. Vakillar Palatasi Trampga 2019-yil dekabrida impichment e’lon qilgandi. Ammo unga qarshi ayblovlarni Senatda ko‘rib chiqishning navbatdagi bosqichida u oqlangan.
Izoh (0)