Buxoro viloyatida “Jondor” avtoturargohida avtobus yonib ketdi. Hodisa aks etgan video ijtimoiy tarmoqlarda tarqaldi.
YHXBB matbuot xizmati bergan dastlabki ma’lumotlarga ko‘ra, voqea 17-yanvar kuni soat 09:30 larda, Buxoro viloyati, Buxoro tumanida joylashgan “Jondor” avtoturargohining oxirgi bekatida yuz bergan. Yong‘in 1962-yilda tug‘ilgan Z.O. boshqaruvidagi 76-yo‘nalishda harakatlanuvchi Isuzu avtobusda sodir bo‘lgan.
Yong‘in natijasida tan jarohati olganlar yo‘q. Yong‘in o‘t o‘chiruvchilar tomonidan bartaraf etilgan. Avtobusning ayrim qismlari yong‘indan zararlangan.
Mazkur hodisa yuzasidan Buxoro tumani IIB YHXB va FVB tomonidan surishtiruv ishlari olib borilib, yong‘in sodir bo‘lish sabablariga aniqlik kiritilmoqda.
Avvalroq Toshkentda 8, 47 va 116-sonli yo‘nalishda harakatlanuvchi avtobuslar yonib ketgani haqida xabar berilgandi.
Mazvuga doir: Qamchiq dovonida Mercedes yuk mashinasi yonib ketdi
Izoh (0)