Toshkent metropoliteni ijtimoiy tarmoqlarda “Chilonzor”, “Mirzo Ulug‘bek” va “Novza” stansiyalarida kunning tig‘iz vaqtida yo‘lovchilar to‘planib qolayotgani to‘g‘risida tarqalgan xabarlarga munosabat bildirdi.
Ma’lum qilinishicha, hozirda poytaxt metropolitenining barcha liniyalari poyezdlar harakatining belgilangan jadvali bo‘yicha ishlamoqda. Chilonzor liniyasida Sergeli yo‘nalishini ochilganidan so‘ng, yo‘lovchilar oqimi tig‘iz vaqtda (ertalabki soat 07:00—09:00 va kechki soat 17:00—19:00 larda) ortib ketgan. Yuzaga kelgan holat bo‘yicha ayni vaqtda Toshkent metropoliteni UK tomonidan poyezdlar tarkibining harakatlanish vaqti oralig‘ini qisqartirish, yo‘lovchilar oqimi kamaygach esa, yana oshirish borasida choralar ko‘rilmoqda.
“Toshkent metropolitenidan har kuni 250 mingdan ortiq odam foydalanadi. Toshkent metropoliteni UK rahbariyati tomonidan yo‘lovchilarga xizmat ko‘rsatish sifatini yaxshilash bo‘yicha barcha zaruriy choralar ko‘rilmoqda”, — deyiladi xabarda.
Shu bilan birga, ta’kidlanishicha, aksariyat hollarda yo‘lovchilarning butun platforma bo‘ylab to‘g‘ri taqsimlanmaydi. “Yo‘lovchilar ko‘pincha poyezdlarning faqat bosh yoki dum qismiga kirishga urinadi, qolgan vagonlarda esa yetarlicha joy bo‘ladi”, — deyiladi xabarda.
Qayd etilishicha, yo‘l haqini to‘lashning Yagona transport kartasi joriy etilgani sabab kassalar oldida odamlarning to‘planishi yuza kelmoqda. Toshkent metropoliteni to‘lovlarni kassa chiptalaridan tashqari boshqa muqobil usullar orqali ham amalga oshirish mumkinligini eslatib o‘tgan, masalan, ATTO ilovasi (QR-kodlar generatsiyasi), NFC texnologiyasi, PayMe va Apelsin to‘lov tizimi, Humo to‘lov tizimi bank kartalari. Bundan tashqari, qator kassalar oldiga maxsus infokioskalar ham o‘rnatilgan bo‘lib, yo‘lovchilar uning yordamida Yagona transport kartasi balansini to‘ldira oladi.
Telegram’dagi “Ko dnu” kanali metropoliten rahbariyatining ushbu munosabatiga qator savollar bilan murojaat qilgan.
“5 vagonli tarkiblar. Qani ular?, Yangi stansiyalarni yangi tarkiblar ochish. Xaridlar qani? Avtobus marshrutlarini optimallashtirish. Yo‘li bo‘lmasa ham odamlarni metroga quvmoqda. Siz buni xohlarmidingiz?”, — deya savol beradi kanal muallifi.
Avvalroq Shavkat Mirziyoyev metroni rivojlantirish loyihasini oxirigacha yetkazish topshirig‘ini bergandi. Xususan, “O‘zbekiston” liniyasining “Beruniy” stansiyasidan Qoraqamish dahasiga qadar ikkita stansiyani qurish taklif etilmoqda.
Izoh (0)