AQShning amaldagi prezidentining o‘g‘li kichik Donald Tramp otasining inauguratsiya qo‘mitasi mablag‘larini g‘ayriqonuniy sarflangani yuzasidan tergov doirasida so‘roq qilish uchun Kolumbiya okrugi Bosh prokuraturasiga so‘roq qilish uchun chaqirildi. Bu haqda CNN’ta tayanib “RBK” xabar bermoqda.
Kolumbiya Bosh prokuraturasi tegishli ish yuzasidan bir yil oldin, 2020-yil yanvarida Trampning inauguratsiya qo‘mitasini sudga bergandi. Tergovchilarning fikricha, prezident jamoasi notijorat tashkilot sifatida soliqlardan ozod qilingan ushbu qo‘mitaning 1 million dollardan ortiq mablag‘ini g‘ayriqonuniy sarflangan. Prokuratura, shuningdek, qo‘mita 2017-yil inauguratsiya paytida Trampga tegishli mehmonxonani oshirilgan narxda ijaraga olganini ta’kidlamoqda.
Loews Madison mehmonxonasida xonalar prezident o‘g‘lining yordamchisi tomonidan 50 ming dollarga bron qilgani Kolumbiya Bosh prokuraturasi tomonidan aniqlanganidan so‘ng kichik Trampga savollar paydo bo‘lgan. “Mehmonxonani bron qilishni kichik Donald Trampning yordamchisi tashkillashtirgan. Shartnoma Trump Organization nomidan kichik Donald Trampning Gentry Beach ismli yaqin do‘sti tomonidan imzolangan”, — degan da’vogar.
Dekabr oyida tergovchilar ushbu ish doirasida prezidentning qizi Ivanka Trampni besh soat davomida so‘roq qilgan.
Inauguratsiya qo‘mitasining mablag‘ni o‘zlashtirgani va maqsadsiz sarflagan bo‘lishi mumkinligi yuzasidan tergov Jo Bayden g‘olib bo‘lgan AQSh prezidentlik saylovi natijasi fonida kelib chiqqan mojarolar tufayli yana jonlangan.
Demokratlar Trampni saylov natijalaridan norozi bo‘lish tufayli yuzaga kelgan tartibsizlik qo‘zg‘atilishiga sababchi bo‘lganlikda ayblamoqda va unga qarshi impichment e’lon qilishga qaror qildi.
Vashingtonda amaldagi prezidentning tarafdorlari Kapitoliyni kuch bilan egallab olgan 6-yanvar voqealaridan so‘ng, Tramp, uning jamoa a‘zolari va amaldagi prezident tarafdorlari bo‘lgan amerikaliklarni ijtimoiy tarmoqlarda bloklash boshlandi. Trampning Twitter’dagi akkaunti butunlay bloklangandan so‘ng, kichik Tramp ijtimoiy tarmoqda butun dunyo Amerika ustidan kulyapti, deb izoh qoldirgan.
Izoh (0)