Makro supermarketlar tarmog‘i boshqaruvchisi Roman Sayfulin Fransiyaning Carrefour savdo tarmog‘i Compass va Samarqand Darvoza’dagi Makro supermarketlari o‘rnida ochilishiga munosabat bildirdi, deb xabar beradi Spot.
Sayfulinning so‘zlariga ko‘ra, 2021-yil 7-yanvar kuni Majid Al Futtaim kompaniyasining bayonoti va OAVdagi xabarlar to‘lqini Makro va uning xaridorlari uchun kutilmagan “sovg‘a” bo‘lgan.
Yil kompaniyamiz uchun Carrefour’ning Compass va Samarqand Darvoza savdo-ko‘ngilochar markazlaridagi (SKM) Makro supermarketlari o‘rnida do‘konlarini ochishi borasidagi kutilmagan bayonot bilan boshlandi, ayniqsa yakunlanmagan shartnomalarni hisobga olganda.Eslatib o‘tamiz, Majid Al Futtaim kompaniyasi boshqaruvida bo‘lgan Carrefour 2020-yilning oxirlarida Toshkentda birinchi supermarketni ochgandi.Avvaliga shuni ta’kidlashni istardimki, yuqorida nomlari keltirilgan savdo-ko‘ngilochar maskanlaridagi Makro supermarketlari ushbu maskanlarning birinchi ish kunidan ochilgan.
Kompaniyamiz ushbu savdo-ko‘ngilochar markazlari rahbariyati bilan ochilishdagi barcha qiyinchiliklarni, tanilish va tashrif buyuruvchilarni jalb etishga yo‘naltirilgan tadbirlarni tashkillashtirishdagi barcha murakkabliklarni birgalikda bosib o‘tdi.
Kompaniyamiz tomonidan ushbu lokatsiyalarda mijoz bazasi ishlab chiqildi, ishonch, umid va sifat muhiti yaratildi, bu Makro supermarketlar tarmog‘i va savdo-ko‘ngilochar maskanga tashrif buyuruvchi iste’molchilar uchun muhim ahamiyatga ega.
Hozirda SKM rahbariyati bilan muzokaralar o‘tkazilmoqda. Vaziyat bo‘yicha mening subyektiv fikrim shunday — Makro kompaniyasi mazkur savdo-ko‘ngilochar markazlarining uzoq muddatli va o‘zini yaxshi tomondan ko‘rsatgan hamkori sifatida ijarachining qonunchilik bilan mustahkamlangan ustun huquqlariga talabgor bo‘lishi mumkin.
Har qanday holatda ham qabul qilingan qaror imzolangan shartnoma va amaldagi qonunchilikka mos keladi.
Makro Compass’dan ketadimi? Shuni aytishim mumkinki, hozircha nuqta qo‘yilgani yo‘q, biroq hamon ushbu do‘konni sotish bo‘yicha muzokaralar o‘tkazilmoqda.
Samarqand Darvoza’ga keladigan bo‘lsak, barcha harakatlarimiz SKM rahbariyati bilan o‘tkazadigan muzokaralarimiz natijasiga bog‘liq bo‘ladi, ushbu masala bo‘yicha bahsli holat yuzaga kelsa, qonunchilik doirasida tartibga solinadi.
Roman Sayfulin, Makro supermarketlar tarmog‘i boshqaruvchisi
Izoh (0)