“Barselona” va “Inter” klublari sobiq hujumchisi Samyuel Eto’O katalonlar forvardi Lionel Messining o‘rnini egallay oladigan o‘yinchi haqida gapirdi.
“O‘ylashimcha, kelajakda uning o‘rnini egallay oladigan o‘yinchi bu — Ansu Fati. Ayni vaqtda u aqlbovar qilmas ishlar qilmoqda. Shu sabab klub uni munosib tayyorlashi va asrashi juda muhim. Umid qilamanki, u Messining o‘rnini bosa oladi”, — deydi Eto’O.
Ansu Fati — “Barselona” tarbiyalanuvchisi, u 2019-yildan buyon bosh jamoada to‘p surib keladi. 2019-yilning 25-avgustida “Betis”ga qarshi o‘yinda debyut qilib, klubning so‘nggi 78 yil ichidagi eng yosh o‘yinchisiga aylangandi. Fati o‘zining birinchi golini 2019-yilning 31-avgustida “Osasuna”ga qarshi o‘yinda urgan. Bu orqali Ansumane “Barselona” tarixidagi eng yosh gol muallifi bo‘lgandi.
Eslatib o‘tamiz, Fati noyabr oyida tizzasidan jarohat olib, fevralga qadar safdan chiqqandi.
Eto’O 2004—2009-yillar mobaynida “Barselona”da to‘p surgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)