Angliyalik Zak King hamda uning sevgilisi Olga Shipunova qo‘shnilaridan biri bilan yozishmalar orqali tanishib do‘stlashib oldi. Barchasiga Billi laqabli mushuk sababchi, deb yozadi Meduza.
Kunlarning birida Olga Billi qog‘oz parchasi bilan uyga qaytganini payqab qolgan:
“Bir necha oy oldin Billi uyga qog‘oz bilan qaytib keldi. U ovqatlar uchun mo‘ljallangan plyonkaga o‘ralgan bo‘lib, uning bo‘yinbog‘idagi ipga osib qo‘yilgandi”.
“Mushugingiz sayrga chiqqanida biznikiga kelishni yaxshi ko‘radi. U eshigimiz oldiga o‘tirib, ichkariga kirgizishimiz uchun miyovlaydi. Mushuk juda kulgili, biz uni yaxshi ko‘ramiz! U qayerdan kelayotgani borasida tasavvurga ham ega emasmiz. Uning ismi nima? Biz uni Billi deb chaqiramiz”, — mehmondo‘st qo‘shningiz.
Olga va Zak noma’lum qo‘shni bilan kulinariya retseptlarini ham bo‘lisha boshlagan: masalan, vasabi pastasini kartoshka pyuresi bilan aralashtirish.
Tez orada qo‘shnilar sharofati bilan Billining kichkina pochta sumkasi paydo bo‘lgan.
Shuningdek, qo‘shnilar bir-biriga quyidagi pazandalik maslahatlarini bergan:
- Jon Favro ishtirokidagi The Chef Show ko‘rsatuvini;
- Kanadaning “Shitts Krik” komediyali serialini;
- Fransiyaning “To‘qqiz foiz” serialini;
- “Middlditch va Shvarts” improvizatsion shousini.
Finding a penfriend who also binges on home cooking and Netflix = lucking out pic.twitter.com/wdJcx8cmoA
— Zack King (@zacharyking) January 2, 2021
Zak ushbu yozishmalar karantin vaqtida juda yordam berganini tan olgan. “Yilning so‘nggi oylari menga omadli kelmadi. Olgaga, oilam, do‘stlarim va kichkintoy Billiga minnatdorchilik bildirish uchun so‘z boyligim yetmaydi”, — deb yozadi Zak.
Izoh (0)