Londonda koronavirusga chalinish holatlari ko‘payib, tibbiyot xodimlar yetishmovchiligi kuzatilayotgani bois politsiya va o‘t o‘chiruvchilar tez tibbiy yordam mashinalarini haydashga jalb qilinmoqda. Bu haqda iNews’ga tayanib, “Korrespondent.net” xabar qildi.
“Poytaxtning ayrim hududlarida koronavirus bilan bog‘liq holat har yigirma nafar fuqarodan birida kuzatilmoqda va shahar xizmatlari endi favqulodda vaziyatlarni bartaraf etishning normal darajasini ta’minlay olmayapti”, – dedi London meri Sodiq Xon.
Hukumat tez yordam mashinalarini boshqarish uchun 75 nafar politsiyachining zudlik bilan yollagan. Yana 125 politsiya xodimi zaxirada bo‘ladi: agar vaziyat yomonlashsa, ular ham yollanadi.
Shu bilan birga, London tez yordam xizmati allaqachon tez yordam mashinalarini boshqarish uchun o‘t o‘chiruvchilarni jalb qilgan.
Eslatib o‘tamiz, Londonda ilgari COVID-19 tufayli favqulodda holat e’lon qilingan edi. Bugungi kunda har o‘ttizinchi londonlik koronavirus bilan kasallangan. Kasalxonalarda bosh joy qolmagan. Odamlarni uyda qolishga chaqirishmoqda.
Izoh (0)