Shou-biznes vakillarining hammasi ham munosabatlarini ko‘z-ko‘z qilishni yoqtirmaydi. Munosabatlarini nikoh bilan mustahkamlagan, ammo buni yashirincha amalga oshirgan Bollivud yulduzlari buning yaqqol misoli.
Shammi Kapur va Gita Bali
Turli oilaning farzandi ekanliklari, qolaversa, Gitaning Shammidan katta ekani sabab juftlik ota-onasining g‘azablanishidan qo‘rqib yashirincha turmush qurgan. To‘yi bo‘lganining keyingi yili farzandli bo‘lgan yulduzlar 10 yil baxtli hayot kechirgan. 2020-yilning yanvarida aktrisa Gita Bali 65 yoshida hayotdan ko‘z yumgan.
Dxarmendra va Hema Malini
Juftlik “Qasos va qonun” filmida birga suratga tushganidan keyin bir-biriga ko‘ngil qo‘ygan. Aktyorning oilasi va farzandlari bo‘lgani sabab mashhurlar yashirincha nikohdan o‘tgan.
Amitabh Bachchan va Jaya Bxaduri
Turmush qurishidan avval bir-biri bilan juda yaqin do‘st bo‘lgan juftlik shaxsiy hayotini ko‘z-ko‘z qilishni istamagan va shu sabab ham to‘yi ovoza bo‘lmagan.
Saif Ali Xon va Amrita Singx
Ota-onasi uchun o‘g‘lining o‘zidan 12 yosh katta Amritaga uylanmoqchi ekanini bilish shok bo‘lgan. Shu sabab aktyor hech narsaga qaramasdan, 1991-yil sentabr oyida Singx bilan turmush qurgan. To‘y marosimida juftlikning eng yaqin do‘stlari ishtirok etgan.
Juhi Chavla va Jay Mexta
Juhi turmush qurib bo‘lganida keyin ham muxlislarini Jay bilan shunchaki do‘st ekaniga ishontirmoqchi bo‘lgan. Oila qurgani karyerasiga putur yetkazishi mumkin, deb cho‘chigan aktrisaning yashirishga urinishlari homilador bo‘lganidan keyin fosh bo‘lgan.
Amir Xon va Rina Datta
Amir Xon mashhurlikka erishishidan avvalroq turmush qurib bo‘lgan. Bolalikdagi sevgisi Rina bilan qochib ketgan aktyor u bilan turmush qurgan va uzoq vaqtgacha bo‘ydoq emasligini inkor etishda davom etgan.
Boni Kapur va Shridevi
Avval oila qurgani sabab Boni Shrideviga yashirincha uylangan. Juftlik 2018-yilda Shridevi vafot etguniga qadar 22 yil baxtli hayot kechirgan.
Sanjay Datt va Rxeya Pillay
Birinchi rafiqasi saraton sabab vafot etgan Sanjay Rxeyani uchratganidan keyin hayoti butkul o‘zgargan. Shundan keyin unga yashirincha uylanishga qaror qilgan.
Madhuri Dikshit va Shriram Nene
Madhuri shaxsiy hayotini berkitmagan. U to‘satdan Los-Anjelesga uchib borib, akasi Adjitning uyida shifokor Shriram Nenega turmushga chiqqani kutilmagan yangilik bo‘lgan.
Puja Bxatt va Munir Maxidja
Pujaning Goada Munir Maxidjaga turmushga chiqqani muxlislari uchun kutilmagan yangilik bo‘lgan. Oila qurishga shunchalik to‘satdan ishtirok qilganidan to‘yida Maxesh Bxatt ham ishtirok etmagan.
Divya Bxarti va Sajid Nadyadvala
Muxlislar 18 yashar Divyaning prodyuser Sajidga turmushga chiqqani haqida 1993-yilda aktrisa to‘satdan vafot etganidan keyingina xabar topgan.
Mitxun Chakraborti va Shridevi
Juftlik yashirincha oila qurgan va turmushi uzoqqa bormagan. Shunga qaramay, bu haqida gap ketganda ularning har ikkisi ham buni rad etadi.
Mavzuga doir:
Izoh (0)