Qashqadaryoda tuman hokimlari Prezident administratsiyasi topshirig‘iga asosan birlamchi tibbiy ko‘rikdan o‘tkazilmoqda

Qashqadaryo viloyatida hokim Zoir Mirzayev boshchiligidagi hokimlar birlamchi tibbiy ko‘rikdan o‘tkazilmoqda, deya xabar berdi “Daryo” muxbiri.

Ta’kidlanishicha, hokimlar Prezident administratsiyasi topshirig‘iga asosan tibbiy ko‘rikdan o‘tkazilmoqda.

“Qashqadaryo hokimi Zoir Mirzayev boshchiligidagi tuman va shahar hokimlari, shuningdek, viloyat hokimining barcha o‘rinbosarlari 7-yanvar kuni birlamchi tibbiy ko‘rikdan o‘tdi. Tibbiy ko‘rik viloyat ko‘p tarmoqli tibbiyot poliklinikasida amalga oshirildi”, — deydi viloyat sog‘liqni saqlash boshqarmasi boshlig‘i o‘rinbosari Shavkat Mamadiyev.

Shavkat Mamadiyevning qo‘shimcha qilishicha, bu jarayon hokimlar bilan boshlanib, barchani qamrab oladi. Yoshlarni qo‘llab-quvvatlash va aholi salomatligini mustahkamlash yilida aholi salomatligiga alohida e’tibor qaratiladi.